Samhengi milli fæðingarþunga og vaxtarhraða hjá lömbum

Abstract

Markmið rannsóknarinnar var að skoða áhrif fæðingarþunga tvílembingslamba á vaxtarhraða frá fæðingu að fjallrekstri við 6-8 vikna aldur. Einnig var kannað hvort holdastig móður seinni hluta vetrar hefðu áhrif á fæðingarþunga og vaxtarhraða þeirra fyrstu 6-8 vikurnar. Fengnar voru tölur frá fjárræktarbúinu á Hesti frá árunum 2001-2006 um tvílembinga, fæðingarþunga þeirra, vaxtarhraða, aldur ánna ásamt holdastigum á mismunandi tímum vetrar. Helstu niðurstöður rannsóknarinnar eru að það er marktækt samhengi á milli fæðingarþunga og vaxtarhraða en holdastig mæðranna höfðu hvorki marktæk áhrif á fæðingarþunga né vaxtarhraða. Rannsóknin sýndi einnig fram á að miðað við eldri niðurstöður (Sigurgeir Thorgeirsson & Stefán Sch. Thorsteinsson, 1989) hefur bæði fæðingarþungi og vaxtarhraði aukist.