Lesum í lífið - handbók : barnabækur og lífsleikni

Abstract

Verkefni þetta er í formi handbókar og greinargerðar sem styður hana. Með verkefninu er leitast við að svara rannsóknarspurningunni: Hvernig er hægt að nýta barnabókmenntir í lífsleiknikennslu til að efla fagurþroska, félagsþroska og málþroska leikskólabarna? Handbók og greinargerð nýtist starfsfólki leikskóla og öðrum sem vinna markvisst með ung börn á leikskólaaldri. Handbókin inniheldur verkefni með áherslu á lífsleikni og barnabækur sem nota má í leik og daglegu starfi með börnum og til að efla þá þroskaþætti sem unnið er með. Handbókin er því starfsfólki leiðarvísir og hvatning til að nýta barnabækur í starfi sínu. Greinargerðin gefur starfsfólki tækifæri á að dýpka skilning og innsæi sitt á alhliða þroska barna og viðfangsefnum tengt barnabókmenntum og lífsleikni.Í greinargerðinni er sett fram efni um alhliða þroska barna og gildi barnabókmennta og lífsleikni í uppeldi og menntum þeirra. Eins er fjallað um hlutverk kennara í uppeldi og menntun barna og þeim þroskaþáttum sem valdir voru til að vinna með gerð skil. Verkefnin sem unnin eru í handbókinni fá umfjöllun í greinargerðinni og efni hennar rökstutt. Í handbókinni eru settar fram hugmyndir að verkefnum sem ætlað er að efla þroska barna með því að vinna með barnabækur og lífsleikni. Höfundar völdu að vinna með þrjá þroskaþætti í handbókinni, þeir eru: Fagurþroski og sköpunarhæfni, félagsþroski og félagsvitund og málþroski. Markmiðið með verkefnunum í handbókinni er að efla þessa þroskaþætti þar sem þeir tengjast vel innbyrðis þeir tengjast enn fremur öðrum þroskaþáttum barna.