Tökum lagið í tungumálakennslu : notkun tónlistar í tungumálakennslu skoðuð

Abstract

Markmið þessarar rannsóknar er að skoða tónlistarnotkun hjá tungumálakennurum í grunnskólum Íslands. Innlend rannsókn frá 2006 sýndi að enskukennarar nýttu sér ekki tónlist mikið í kennslu en á móti þá þótti nemendum það vera gagnleg leið til að læra nýtt tungumál. Þessi rannsókn var ætluð til þess að athuga hvernig kennarar nýttu sér tónlist í kennslu ef þeir gerðu það á annað borð. Margar erlendar rannsóknir hafa sýnt fram á miklar framfarir í færni, orðaforða og framburði þegar tónlist hefur verið notuð sem verkfæri í kennslu nýrra tungumála. Niðurstöður könnunarinnar eru þær að kennarar nýti sér lítið tónlist í kennslu og megi rekja það til óæskilegrar kennslurýma og þess að kennarar hafa ekki lært hvernig þeir geti nýtt tónlist í kennslu. Nokkrar aðferðir fylgja um það hvernig kennarar geti nýtt sér tónlist sem verkfæri í kennslu.