Getur miðlægur gagnabanki styrkt faglegt starf þroskaþjálfa í grunnskólum?

Abstract

Markmið með skrifum ritgerðarinnar var að komast að því hvort og hvaða ávinningur það sé fyrir starfandi þroskaþjálfa í grunnskólum að hafa aðgang að miðlægum gagnabanka, þar sem þeir gætu nálgast ýmis fagleg gögn. Fagleg gögn þroskaþjálfa í grunnskólum má líkja við vinnuverkfæri, sem þeir nota við dagleg störf sín. Gerð var könnun á meðal fjögurra starfandi þroskaþjálfa í grunnskólum með það að markmiði, að kanna hvernig aðgengi að faglegum gögnum væri á þeirra vinnustöðum og hvort þeir teldu brýnt að þroskaþjálfar í grunnskólum hefðu aðgengi að miðlægum gagnabanka. Stuðst var við eiginindlega aðferð og spurningarnar sem lagðar voru fyrir þátttakendurna voru opnar spurningar. Niðurstöður leiddu í ljós að aðgengi þroskaþjálfanna að faglegum gögnum var misjafnt en það var eindreginn vilji á meðal þeirra að stofnaður væri miðlægur gagnabanki. Þroskaþjálfarnir töldu að það myndi spara tíma og vinnu, einnig væri gott að sækja þangað innblástur og hugmyndir.