Hugmyndafræði Reggio Emilia og textílmennt í íslenskum grunnskólum

Abstract

Í þessari ritgerð var leitað svara við því hvernig hugmyndafræði Reggio Emilia fellur að kennslu textílmennta í grunnskólum. Fyrst er saga og þróun hugmyndafræðinnar rakin og gerð grein fyrir meginþáttum hennar. Jafnframt er fjallað um hvernig íslenskir leikskólar hafa nýtt sér hugmyndafræðina og velt vöngum yfir hvernig innleiða megi hugsun í anda Reggio Emilia í textílkennslu grunnskólanna. Þá er hugmyndafræðin skoðuð í ljósi markmiða gildandi Aðalnámsskrár, draga að nýrri aðalnámskrá og nýlegrar úttektar á listgreinakennslu hér á landi. Niðurstöður leiddu í ljós samræmi milli markmiða með íslensku skólastarfi og hugmyndafræði Reggio Emilia og því er hægt að færa rök fyrir mörgum þáttum hugmyndafræðinnar í textílkennslu. Hugsanlegir kostir þess að líta til Reggio Emilia við textílkennslu eru efling á skapandi starfi í öllum greinum grunnskólans.