Kennsla fornbókmennta í 8. - 10. bekk : fornbókmenntakennsla í Fjarðabyggð

Abstract

Tilgangur þessarar rannsóknar var að skoða stöðu fornbókmenntakennslu í Fjarðabyggð. Í því samhengi var skoðað vægi fornbókmennta samkvæmt aðalnámskrá grunnskóla, menntun kennara á þessu sviði, framboð fornbókmennta fyrir grunnskólann og hvernig heppilegt væri að haga kennslu slíks námsefnis. Í Fjarðabyggð eru fimm grunnskólar og íslenskukennarar á unglingastigi eru tíu. Leitað var til allra kennaranna við gerð rannsóknarinnar, svör bárust frá átta en úr öllum skólunum fimm.Niðurstöður sýna að vel er staðið að kennslu fornbókmennta við grunnskólana í Fjarðabyggð miðað við kröfur aðalnámskrár. Fornbókmenntir eru lesnar í öllum bekkjum á unglingastigi og kennararnir er áhugasamir um fornbókmennta¬kennslu. Lífshættir unglingsnemenda nú á 21. öldinni eru um margt ólíkir lífsháttum jafnaldra þeirra á síðustu öld, en sú hræðsla manna að fornbókmenntirnar eigi erfiða lífdaga framundan með nýrri kynslóð virðist þó ástæðulaus.