Please use this identifier to cite or link to this item: http://hdl.handle.net/1946/942
Í þessari B.Ed. ritgerð er greint frá erlendum rannsóknum sem sýna fram á alvarlegar afleiðingar eineltis á líf einstaklinga og skoðaðar leiðir til að koma í veg fyrir einelti í leikskólum. Í fyrri hluta ritgerðarinnar er fjallað um mikilvægi félags- og tilfinningaþroska í uppeldi ungra barna, greint frá áhrifum sem einelti getur haft á þjóðfélagið og viðhorfum almennings á Íslandi til eineltis. Sagt er frá Dan Olweusi, einum best þekkta vísindamanni á sviði eineltis meðal barna en hann hefur hrundið af stað vitundarvakningu meðal almennings um afleiðingar eineltis. Greint er frá forvarnarkerfi sem Olweus hefur þróað gegn einelti í grunnskólum. Í ljósi þess að einelti viðgengst í leikskólum er fjallað um þjálfunarefnið Stig af stigi, greint frá rannsóknum á árangri af notkun þess og fleiri aðferðum til að efla félags- og tilfinningaþroska barna.. Í síðari hluta ritgerðarinnar sagt er frá könnun á árangri af notkun Stig af stigi í einnar deildar leikskóla á Norðurlandi. Niðurstöður gáfu vísbendingu um að vinna með Stig af stigi meðal barnanna hefðu jákvæð áhrif á samskipti þeirra. Greint er frá hugmyndum um hvernig hægt er að nota svipaðar aðgerðaáætlanir í leikskólum og grunnskólar nota til að koma í veg fyrir einelti.
Filename | Size | Visibility | Description | Format | |
---|---|---|---|---|---|
eineltiogaf.pdf | 982.72 kB | Open | Einelti og afleiðingar þess - heild | View/Open |