Mataræði og lífsstíll : allt hefur áhrif, einkum við sjálf!

Abstract

Verkefnið byggir á heimildum og fjallar um mataræði og lífsstíl. Leitast verður við að svara spurningum á borð við hvert er gildi góðrar næringar og hvers vegna gengur fólki misvel að velja hana? Verkefnið Allt hefur áhrif, einkum við sjálf! er sameiginlegt þróunarverkefni Lýðheilsustöðvar og 25 sveitarfélaga um allt land. Verkefnið fór í gang í byrjun árs 2004 og lauk því haustið 2010. Í verkefninu var lögð áhersla á bætt mataræði og aukna hreyfingu barna og ungmenna. Mataræði er mikið umhugsunarefni í dag og vilja margir breyta um lífsstíl og stuðla að bættri heilsu. Gildi góðrar næringar er að heilsusamlegt mataræði getur komið í veg fyrir margskonar kvilla og rannsóknir hafa sýnt fram á lengra líf með hollu mataræði sem og minni líkur á krónískum sjúkdómum. Fólk getur átt erfitt með að velja góða næringu vegna offramboðs á skyndibitum og óhollustu eða sökum of sterkra langana einstaklings sem hann ræður ekki við.