Ungbarnaleikskólinn : hvað þarf til?

Abstract

Ritgerð þessi fjallar um ungbarnaleikskóla í íslensku samfélagi með áherslu á uppeldisstarfið. Til að skilja betur hvernig starfsemi ungbarnaleikskóla er háttað nú á tímum er mikilvægt að öðlast vitneskju um sögu uppeldisstofnana ungra barna í gegnum tíðina. Í ritgerðinni er leitast við að svara spurningunni: Hvað eru ungbarnaleikskólar og hvað felst í starfi þeirra? Þar sem lítið er til af rituðum heimildum, og til að fá betri sýn í þennan veruleika, þá voru tekin viðtöl við leikskólastjóra í tveim ungbarnaleikskólum á höfuðborgarsvæðinu og einnig er rætt við gamalreynda konu sem vann á vöggustofu á árum áður. Flestir ungbarnaleikskólar eru einkareknir með samning við sveitafélögin og stuttlega er gerð grein fyrir þeim þáttum sem þarf að huga að þegar opna á slíkan skóla.Fjallað er um mikilvægi tilfinningatengsla og þroskaferils barnsins meðal annars út frá uppeldiskenningum Erikson, Freud og Piaget. Einnig er gerð grein fyrir nokkrum rannsóknum sem tengjast tilfinningatengslum barna á unga aldri í þessu samhengi. Aðlögun er afar mikilvæg fyrir farsælt framhald skólagöngu barnsins, sem og samstarf við foreldra. Niðurstöður ritgerðarinnar leiða í ljós að mörgu er að hyggja þegar kemur að skólagöngu yngstu barnanna og afar mikilvægt er að vanda mjög til verka.Í síðasta hluta ritgerðarinnar er sett fram áætlun um starfsemi ungbarnaleikskóla og leitast er við að draga fram þá grunnþætti sem leggja þarf áherslu á í uppeldisstarfi með yngstu börnunum. Ljóst er að mikil þörf er fyrir ungbarnaleikskóla og þeim mun eflaust fjölga á komandi árum. Megi þessi ritgerð verða dálítið innlegg í þá uppbyggingu, með þeirri fullvissu að framtíð ungbarnaleikskóla verið björt.