is Íslenska en English

Grein Háskóli Íslands > Rafræn tímarit > Stjórnmál og stjórnsýsla >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/9666

Titill: 
  • Til varnar hagfræðinni Á hagfræðin að skýra kulnun sólar, finna lækningu við krabbameini og skýra uppruna alheimsins?
Útgáfa: 
  • Júní 2011
Útdráttur: 
  • Það er orðið nokkuð vinsælt tómstundagaman hjá álitsgjöfum og bloggurum hérlendis og erlendis að láta niðrandi ummæli falla um hagfræði og hagfræðinga. Ekki er ástæða, hvorki fyrir fræðigreinina né iðkendur hennar að amast við gagnrýni sé markmið
    hennar að stuðla að endurbótum og uppbyggingu. Sleggjudómar, órökstuddar fullyrðingar og samsærisbrigsl eru hins vegar ekki til uppbyggingar fallin.
    Hin opinbera umfjöllun um hagfræði ber með sér að álitsgjafar og bloggarar hafi ólíkar hugmyndir um hvað hagfræði sé. Það er þess vegna rétt að byrja á að skilgreina
    viðfangsefnið. Orðabókarskilgreiningin er sú að hagfræði sé fræðigrein sem fjallar um framleiðslu, dreifingu og neyslu vöru og þjónustu. Markmið greinarinnar er að skilja á hvaða grundvelli einstaklingar skiptast á vörum og þjónustu. Til að ná markmiðum
    sínum stunda iðkendur greinarinnar víðtæka söfnun gagna og upplýsinga. Þetta má kalla hina lýsandi hlið hagfræðinnar. Til að skilja þessi gögn og setja þessar upplýsingar í samhengi setja iðkendurnir fram kenningar um atferli og markmið einstaklinga og
    hópa einstaklinga. Á grundvelli kenninganna eru síðan settar fram tilgátur sem reynt er að styðja eða fella. Skylda vísindamannsins er leggja að minnsta kosti jafn mikið á sig til að fella tilgátu, sem hann hefur sett fram, eins og til að styðja hana. Að þessu
    leyti eru kröfur til iðkenda í fræðistörfum með öðrum hætti en kröfur til stjórn málamanna, bloggara eða álitsgjafa.

Birtist í: 
  • Stjórnmál og stjórnsýsla
Athugasemdir: 
  • Erindi og greinar
Tengd vefslóð: 
  • http://www.stjornmalogstjornsysla.is
Samþykkt: 
  • 30.6.2011
URI: 
  • http://hdl.handle.net/1946/9666


Skrár
Skráarnafn Stærð AðgangurLýsingSkráartegund 
b.2011.7.1.4.pdf521.59 kBOpinnHeildartextiPDFSkoða/Opna