Jökul ber við himin : heimsókn í Snæfellsjökulsþjóðgarð

Abstract

Lokaverkefnið samanstendur af greinargerð og kennsluverkefnum. Í greinargerðinni er fjallað um kennsluhætti utan skólastofunnar og hvernig hægt er að undirbúa nemendur undir kennsluverkefnin. Fjallað er um þá fræðinga og kenningar þeirra sem tengja það saman hvernig börn læra af því sem er í kringum þau og skólastarf. Skoðuð er tenging aðalnámskrár við náttúrufræðikennslu og þá sérstaklega útikennslu. Einnig er umfjöllun um Snæfellsjökulsþjóðgarð og tilurð hans.Kennsluverkefnin eru gerð þannig að hægt er að nýta fyrstu verkefnin allstaðar á landinu og síðan er seinni hlutinn bundinn við Snæfellsjökulsþjóðgarð. Því geta bæði nemendur og kennarar nýtt sér hluta verkefnanna sama hvar á landinu þau eru. Þau eiga að stuðla að því að nemendur öðlist nýja sýn á nærumhverfi sitt og jörðina í heild sinni.Mikilvægt er að meta vinnu nemenda á sem vandaðastan og fjölbreyttasta hátt með námsmati sem nær til allra þátta námsins. Símat er mjög æskilegt til að nemendur geti byggt áfram ofan á þekkingu sína jafnt og þétt þar sem þeir fá strax jákvæða svörun um að sú þekking sem þeir telja sig hafa náð sé rétt. Um leið styrkir það sjálfsmat þeirra og löngun til að læra meira.