Nú þori ég! : um óformlegt tónlistarnám kennaranema

Abstract

Óformlegt nám í tónlist hefur fengið aukna athygli fræðimanna á sviði tónlistarkennslu síðustu ár. Hafa þeir m.a. velt fyrir sér möguleikum til að innleiða óformlegar aðferðir í skólastofuna. Ein helstu rökin fyrir því eru að vinsældatónlist, sem tekin hefur verið inn í námsefnið síðustu áratugi, er í miklum mæli flutt af tónlistarfólki sem á að baki óformlegt tónlistarnám.Tekin voru viðtöl við nemendur í námskeiðinu Tölvur og rafmagnað samspil sem kennt var á haustönn 2010 við Menntavísindasvið HÍ. Þar er m.a. farið í gegnum æfingaferli bílskúrshljómsveita og unnið við hljóðupptökur. Í ljós kom að hluti af námskeiðinu ber sterk einkenni óformlegs náms, sérstaklega í námi á bílskúrshljóðfærin. Nemendurnir sem rætt var við lýstu náminu sem miklu sjálfs- og jafninganámi og greindu frá auknu sjálfstrausti og þori gagnvart tónlist.