Fjölgreindakenning Howards Gardners : umhverfisgreind

Abstract

Hér verður gerð grein fyrir fjölgreindarkenningu Howards Gardners. Upphaflega setti hann fram kenningu sína í bókinni Frames of Mind sem kom út á árinu 1983. Kenningar hans hafa haft víðtæk áhrif á skilning og viðhorf til náms og kennslu. Gardner gagnrýnir hefðbundin stöðluð greindarpróf og telur vestræna menningu hafa skilgreint greind of þröngt. Hann álítur það mikilvægt að allar greindirnar sem í manninum búa verði viðurkenndar og rækt lögð við þær. Hann telur að þannig muni einstaklingar eiga meiri möguleika á að takast á við mörg þeirra vandamála sem þeir standa andspænis nú á tímum. Samkvæmt hugmyndum Gardners eru til a.m.k átta greindir, það er málgreind, rök- og stærðfræðigreind, rýmisgreind, tónlistargreind, líkams- og hreyfigreind, samskiptagreind, sjálfsþekkingargreind og umhverfisgreind. Hér verður gerð grein fyrir einkennum hverrar greindar og þeim aðferðum sem beita má við kennslu til að örva þroska þeirra. Umhverfisgreind er skoðuð sérstaklega og að lokum er lýsing á verkefni sem hægt er að nota við kennslu.