Framkvæmd skriflegrar atvinnumálastefnu Vopnafjarðar : samanburður við fimm sveitarfélög

Abstract

Í ritgerðinni er fjallað um núverandi hlutverk sveitarfélaga á Íslandi almennt og þær leiðir sem sveitarfélög hafa farið í atvinnuþróun og nýsköpun. Reynt er að komast að því í ritgerðinni hvort sveitarfélögin setji sér skriflega stefnu í atvinnumálum og fari eftir þeim. Sveitarfélagið Vopnafjörður er tekið sérstaklega fyrir og borið saman við önnur sveitarfélög af svipaðri stærð hvað varðar íbúafjölda. Ritgerðin byggir meðal annars á spurningum sem sendar voru til sveitarstjóra sveitarfélaganna sem urðu fyrir valinu og svörum við þeim. Helsta niðurstaða höfundar er að hlutverk sveitarfélaga í atvinnumálum er illa skilgreint og hvergi er neitt að finna um það hlutverk í sveitarstjórnarlögum. Aðeins eitt af þeim sex sveitarfélögum sem voru til skoðunar í ritgerð þessari hafði sett sér skriflega stefnu í atvinnumálum þrátt fyrir að samkvæmt erindisbréfum atvinnumálanefnda væri eitt að hlutverkum þeirra að móta stefnu sveitarfélagsins í atvinnumálum. Ekki er hægt að fullyrða útfrá gögnum og samanburðinum í ritgerðinni hvort skrifleg stefna skili meiri árangri sveitarfélaga í atvinnumálum.