Skjalastjórn og rafræn stjórnsýsla í ljósi upplýsinga og persónuverndarlaga

Abstract

Þessi lokaritgerð til B.A.-prófs í bókasafns- og upplýsingafræði fjallar um rafræna skjalastjórnun ásamt reglum og lögum sem gilda um vörslu persónuupplýsinga. Farið er yfir sögu skjalastjórnunar almennt og þróun laga og reglna sem stjórnsýslan og opinberir aðilar þurfa að taka tillit til, því það þarf að gæta að þjóðarsögunni sem felst meðal annars í því að geyma heimildir. Um þá varðveislu þurfa að gilda lög og reglur. Enn fremur þarf að vera gott aðgengi að skjölum sem geymd eru til að halda þjóðinni upplýstri. Farið er lauslega yfir lög og reglur um Þjóðskjalasafn, sem gefur út leiðbeiningar og aðstoðar opinbera aðila um val á skjalastjórnunarkerfum, og hvað ber að huga að með vistun og eyðingu skjala. Einnig er farið yfir upplýsingalög en þau eru í endurskoðun um þessar mundir. Ekki eru allir á einu máli um gæði þeirra, eins og vera ber þegar um jafn mikilvæg lög er varða aðgang að upplýsingum og jafnframt verndun persónuupplýsinga fyrir hinn almenna borgara. Þykir sumum full mikil forræðishyggja við lýði þegar lagt er til að loka megi aðgangi að viðkvæmum upplýsingum í 110 ár frá því þær urðu til.