2026-09-28T23:50:44Zhttps://skemman.is/oai/request

oai:skemman.is:1946/113112018-10-15T09:44:13Zcom_1946_2059com_1946_2057col_1946_2066

Háskóli Íslands Högni Helgason 1989- Ásmundur G. Vilhjálmsson 1954- Ferðaþjónusta á Íslandi hefur farið ört vaxandi á síðustu áratugum og frábær árangur hefur náðst. Flugrekstur er helsta samgönguleið til og frá landinu og er því grundvallarþáttur í ferðaþjónustu hér á landi. Skattlagning ferðaþjónustu, þar með talið flugreksturs, hefur á síðustu árum einkennst af tíðum hækkunum og tilkomu nýrra skatta. Skattaumhverfi ferðaþjónustunnar hefur orðið flóknara síðustu ár og verið óstöðugt. Gæti einföldun og stefnubreyting í skattlagningu á ferðaþjónustu leitt til hagstæðari rekstrarskilyrða fyrir þau fyrirtæki sem koma að ferðaþjónustu á Íslandi? Fjallað verður um núverandi stöðu ferðaþjónstunnar hér á landi útfrá tölulegum gögnum og hún greind með ýmsum verkfærum viðskiptafræðinnar. Skattaumhverfi ferðaþjónustunnar verður skoðað og leitast við að varpa ljósi á þá skatta sem hafa sérstaklega mikil áhrif á rekstur fyrirtækja í greininni. Stöðugar skattahækkanir síðustu ára og tilkoma nýrra skatta hafa haft afar neikvæð áhrif á flugrekstur og ákveðna hluta ferðaþjónustunnar. Þessi óstöðugleiki í rekstrarumhverfi ferðaþjónustufyrirtækja gerir það erfiðara fyrir fyrirtæki að móta sér langtíma stefnu og hefur því letjandi áhrif á fjárfestingar og uppbyggingu. Ritgerðinni er ætlað að vekja athygli lesanda á mikilvægi ferðaþjónustu og flugreksturs á Íslandi og möguleikum til þess ná frekari árangri á þeim sviðum. Eftir lestur ritgerðarinnar vonast ég til að hið flókna skattaumhverfi ferðaþjónustunnar sé skýrara fyrir lesandann og að hann hafi myndað sér skoðun á stefnu stjórnvalda í skattamálum ferðaþjónustunnar. 2012-05-03T13:43:22Z 2012-05-03T13:43:22Z 2012-05-03 2012-05-03T10:44:24Z 2012-06 http://hdl.handle.net/1946/11311 is Viðskiptafræði Skattlagning á ferðaþjónustu Tourism taxation in Iceland Thesis Bachelor's