2026-10-02T15:24:35Zhttps://skemman.is/oai/request

oai:skemman.is:1946/118092012-12-10T09:19:17Zcom_1946_2061com_1946_2057col_1946_13487

Háskóli Íslands Guðrún Ásta Gísladóttir 1982- Anna Sigríður Vernharðsdóttir 1969- Verkefnið er fræðileg úttekt á meðferðinni „Proactive support of labour – The challenge of normal childbirth“ (PSL) með það að leiðarljósi að skoða áhrif meðferðar og árangur í fæðingum á sjúkrahúsi höfunda í Hollandi. Úttektin fólst einnig í því að skoða þætti sem tengjast þessari meðferð sem og nýlegar rannsóknir. Til samanburðar voru fengnar upplýsingar um hvernig meðferðin hefur virkað á fæðingardeildinni við háskólasjúkrahúsið í Osló. Heimilda var að mestu aflað í gegnum gagnasöfnin Pub-Med, Chinal og Google Scholar. Fræðimennirnir að baki PSL vilja sporna við aukinni sjúkdómsvæðingu í fæðingum sem og hækkandi tíðni keisaraskurða. Þeir vilja efla jákvæða upplifun konu af fæðingu sinni með því að veita einstaklingshæfða þjónustu, ásamt því að efla góða samvinnu ljósmæðra og lækna á hverjum stað fyrir sig. Verklag PSL hefur reynst vel og virðist lækka töluvert tíðni keisaraskurða, bæði á fæðingardeild höfunda og í Osló. Þá virðist meðferðin stuðla að minni notkun utanbastsdeyfinga og konur tjá góða upplifun af fæðingunni. Í ljósi þessa væri áhugavert að reyna PSL meðferðina hérlendis í þeim tilgangi að lækka tíðni keisaraskurða og ekki síður til að fækka utanbastsdeyfingum sem eru margfalt algengari hérlendis en á sjúkrahúsi höfunda. Lykilorð: frumbyrja, langdregin fæðing, Syntocinon® örvun, stuðningur ljósmóður, inngrip í fæðingu. 2012-05-25T08:40:35Z 2012-05-25T08:40:35Z 2012-05-25 2012-05-24T12:52:52Z 2012-06 http://hdl.handle.net/1946/11809 is Ljósmóðurfræði Frumbyrjur Fæðing Ljósmæður Proactive support of labor. The challenge of normal childbirth. Meðferðin, áhrif, árangur Thesis