2026-09-29T01:42:32Zhttps://skemman.is/oai/request

oai:skemman.is:1946/132452025-09-03T15:31:05Zcom_1946_4482com_1946_3515col_1946_4484

Landbúnaðarháskóli Íslands Þórveig Jóhannsdóttir 1987- Bjarni D. Sigurðsson 1966- Lárus Heiðarsson 1966- Verkefnið fjallar um áhrif mismunandi upphafsþéttleika (1000, 2000, 3500 og 5000 tré/ha) á ýmsa þætti sem varða afföll, vöxt, framleiðni, viðar- og trjágæði rússalerkis (Larix sukaczewii, kvæmi Imatra) sem gróðursett var vorið 2002 á fjórum stöðum upp eftir Fljótsdalshéraði (Litla-Steinsvaði í Hróarstungu, Hjartarstöðum í Eiðaþinghá, Mjóanesi í Skógum og Sturluflöt í Fljótsdal). Þessi tilraun var hluti af stærra verkefni sem kallast LTverkefnið. Markmið þessarar tilraunar var að búa til framtíðaraðstöðu til ýmissa skógræktarrannsókna með gróðursetningu stórra samfelldra rannsóknareita (0,5 ha) með mismunandi upphafsþéttleika lerkis á hverjum stað. Úttekt á rannsóknarreitum fór fram í ágúst 2011, þ.e. níu árum eftir gróðursetningu. Mældir voru þrír mælifletir innan hvers upphafsþéttleika á hverjum stað, alls 48 mælifletir. Eftirfarandi mælibreytur voru teknar út fyrir öll lifandi tré á flötunum: hæð, toppvöxtur, bolþvermál, þvermál sverustu greinar (mat á kvistum), sjáanlegt toppkal, auk einkunnar á bolgæðum og beitarskemmdum. Bolsýni voru tekin til ákvörðunar á viðarþéttleika í rannsóknastofu. Útreiknaðar breytur voru þéttleiki, hlutfall aukastofna, grunnflötur, afföll, standandi viðarrúmmál (m3/ha bolviðar) og meðalvaxtarhraði (m3/ha á ári). Helstu niðurstöður þessar verkefnis voru að upphafsþéttleiki hafði marktæk áhrif á yfirhæðarvöxt, standandi viðarrúmmál, meðalvaxtarhraða skógar og beitarskemmdir. Ekki reyndist vera marktækur munur á milli upphafsþéttleikaliða fyrir þvermálsvöxt á hvert tré, á viðarþéttleika trjánna og bolgæðum. Oftast var meiri munur á milli tilraunastaða en á milli mismunandi upphafsþéttleika á hverjum stað. Almennt var mestur vöxtur í Mjóanesi og Hjartarstöðum, en minni á Sturluflöt og Litla-Steinsvaði. Mikill munur var á milli Hjartarstaða og Litla-Steinsvaðs, en báðar jarðirnar eru utarlega á Héraði. Þetta sýnir vel að nærskilyrði á hverjum stað skipta höfuðmáli fyrir vöxt lerkis og því er varasamt að fullyrða um slík skilyrði fyrir stór samfelld landssvæði. Niðurstöðurnar gilda einungis fyrir upphafstig skógræktar. Því er ekki enn tímabært að segja til um hver lokaáhrif mismunandi upphafþéttleika verða á vöxt, framleiðni og trjágæði skógarins. Þessi rannsókn er því fyrsta skrefið í slíku mati og spennandi verður að fylgjast áfram með tilrauninni. 2012-10-04T14:01:30Z 2012-10-04T14:01:30Z 2012-10-04 2012-05 http://hdl.handle.net/1946/13245 is Skógrækt Fljótsdalshérað Viðarþéttleiki Gróðurskemmdir Beitarskemmdir Áhrif upphafsþéttleika lerkis á viðarvöxt og trjágæði Thesis Bachelor's