2026-09-27T20:03:23Zhttps://skemman.is/oai/request

oai:skemman.is:1946/135052018-10-15T09:45:40Zcom_1946_2059com_1946_2057col_1946_2066

Háskóli Íslands Halldór Heiðar Hallsson 1986- Heiðar Ásberg Atlason 1975- Í aðdraganda og kjölfar gjaldþrots stærstu banka landsins árið 2008 varð gengishrun á Íslandi. Afleiðingar þess endurspegluðust m.a. í talsverðum breytingum á höfuðstól lána sem gengistryggð voru með tengingu við erlenda gjaldmiðla. Mánaðarlegar afborganir ruku upp úr öllu valdi án þess að lántakendur gætu hreyft við hendi. Margir töldu forsendur fyrir lántökunni brostnar og borguðu ekki af lánum sínum. Í þessari ritgerð er könnuð réttarstaða lántakenda gengistryggðra lána og mögulega skaðabótaábyrgð lánveitenda. Ritgerðin er þannig uppsett að í öðrum kafla er byrjað á almennri umfjöllun um skaðabótaábyrgð innan samninga. Fjallað er um grundvöll skaðabótaábyrgðar innan samninga og hvaða skilyrði þarf að uppfylla. Umfjöllun er um meginreglur fjármunaréttar varðandi samningsfrelsi og skuldbindingargildi samninga. Í þriðja kafla er farið í dómaframkvæmd Hæstaréttar í nýlegum gengistryggingarmálum. Fordæmisgefandi dómar eru reifaðir og niðurstöður þeirra bornar saman svo hægt sé að svara meðal annars hvort munur sé á réttarstöðu þeirra sem tóku gengistryggð bifreiða- eða fasteignalán og hvort heiti lánssamninganna skipti máli. Í fjórða kafla er kannað hvort skaðabótaábyrgð lánveitenda sé hugsanleg og er það ásamt greiningu á dómaframkvæmd meginefni verkefnisins með áherslu á hvort skilyrði sakarreglunnar teljist uppfyllt við veitingu gengistryggðra lána. 2012-12-12T12:31:49Z 2012-12-12T12:31:49Z 2012-12-12 2012-12-11T18:53:39Z 2012-12 http://hdl.handle.net/1946/13505 is Lögfræði Skaðabótaábyrgð Gengistryggð lán Möguleg skaðabótaábyrgð lánveitanda vegna ólögmætrar gengistryggingar lána Thesis Bachelor's