2026-10-01T01:25:40Zhttps://skemman.is/oai/request

oai:skemman.is:1946/136932018-10-15T09:46:14Zcom_1946_2059com_1946_2057col_1946_2066

Háskóli Íslands Gunnhildur Vala Valsdóttir 1986- Hervör Alma Árnadóttir 1963- Notendasamráð hefur verið að ryðja sér til rúms sem bæði hugmyndafræðileg undirstaða í geðheilbrigðisþjónustu og vinnuaðferð fagfólks í vestrænum ríkjum allt frá sjöunda áratug síðustu aldar. Innan geðheilbrigðiskerfisins hafa notendur barist fyrir rétti sínum til þess að hafa áhrif meðferðarleiðir og önnur úrræði sem í boði eru fyrir fólk með geðraskanir. Í þessarri ritgerð er skoðað hvort notendasamráð sem hugmyndafræði hafi haft áhrif á stefnumótun íslenskra stjórnvalda í geðheilbrigðismálum og staða innleiðingar borin saman við stöðuna í Englandi. Einnig verður sagt frá því hvernig félagsráðgjafar nota þessa aðferð í vinnu með notendum geðheilbrigðiskerfisins og hvernig þessi hugmyndafræði hefur haft áhrif á þjónustu við fólk með alvarlegar geðraskanir. Niðurstöður leiða í ljós að mikil og jákvæð þróun í átt að auknu notendasamráði hefur átt sér stað í stefnumótun í málaflokknum síðustu áratugi en þróunin á Íslandi er komin töluvert styttra á veg en þróunin í Englandi. Starfsaðferð sem virkar vel til að virkja notendur er valdefling en sú aðferð fellur mjög vel að öðrum starfsaðferðum félagsráðgjafa. Hugmyndafræði notendasamráðs er áberandi í þjónustunni og sést það helst á því að innleiðing batamiðaðrar þjónustu stendur nú yfir á geðsviði Landspítalans og að fulltrúi notenda er einnig þar starfandi. 2013-01-10T11:11:23Z 2013-01-10T11:11:23Z 2013-01-10 2013-01-10T10:44:36Z 2013-02 http://hdl.handle.net/1946/13693 is Félagsráðgjöf Samráð Geðfatlaðir Heilbrigðisþjónusta Notendasamráð í geðheilbrigðiskerfinu: Áhrif hugmyndafræðinnar á stefnumótun íslenskra stjórnvalda í málefnum fólks með alvarlegar geðraskanir Thesis Bachelor's