2026-10-02T22:19:53Zhttps://skemman.is/oai/request

oai:skemman.is:1946/154202018-10-12T10:24:12Zcom_1946_4443com_1946_3515col_1946_4478

Landbúnaðarháskóli Íslands Sigrún Eva Helgadóttir 1991- Sigtryggur Veigar Herbertsson 1978- Rannsóknir hérlendis hafa lítið sem ekkert beinst að áhrifum útiveru á framleiðslugetu íslenskra mjólkurkúa. Almenningur hefur í auknum mæli hrópað á meiri dýravelferð og hafa dæmt kúabændur harðlega fyrir að setja kýrnar ekki út. Hérlendis er bundið í lög að nautgripir skuli vera úti að lágmarki 8 vikur á ári. Víða hafa kúabændur með mjaltaþjóna ekki uppfyllt þessa reglugerð og hefur Matvælastofnun kært bændur frá árinu 2009. Markmið þessa verkefnis var að varpa ljósi á áhrif útiveru á framleiðsluþætti mjólkurkúa í mjaltaþjónafjósum hérlendis. Til þess að ná þessu markmiði voru skoðuð áhrif útiveru á nyt, mætingu í mjaltaþjón og kjarnfóðurát. Áhrif á gæði mjólkurinnar voru einnig skoðuð, efnainnihald, frumutala, líftala og frjálsar fitusýrur. Þetta verkefni á einnig að verða grunnur frekari rannsókna á þessu sviði. Niðurstöður verkefnisins voru einkum þær að útivera virðist hafa neikvæð áhrif á nyt og frumutölu mjólkurinnar. Hins vegar virtist efnainnihald ýmist standa í stað eða aukast þó var próteininnihald minna ef skoðaðar eru niðurstöður rannsóknarinnar á Hvanneyri. Útivera virtist hafa jákvæð áhrif á innihald frjálsra fitusýra og engin áhrif sáust á líftölumælingum eða kjarnfóðuráti. Niðurstöður skoðanakönnunar sýndu að bændur eru almennt jákvæðir fyrir útiveru mjólkurkúa en telja það þó auka vinnuálag og kostnað. Bændur telja flestir að kýrnar verði heilsuhraustari á því að komast út. Ljóst er að frekari rannsókna er þörf á sviði atferlisfræðinnar. 2013-06-04T11:18:28Z 2013-06-04T11:18:28Z 2013-06-04 2013-06-04T11:18:06Z 2013-05 http://hdl.handle.net/1946/15420 is Kýr Beit Útivera Velferð dýra Mjólkurbú Mjaltir Mjólk Næringarfræði Áhrif útiveru mjólkurkúa á framleiðsluþætti og vinnutíma í mjaltaþjónafjósum Thesis Bachelor's