2026-09-27T05:06:55Zhttps://skemman.is/oai/request

oai:skemman.is:1946/20162018-10-15T15:16:28Zcom_1946_130com_1946_2057col_1946_289

Háskóli Íslands Ragnheiður Hermannsdóttir Ingvar Sigurgeirsson 1950- M.Ed. í kennslufræði Rannsóknin fjallar um námsmat og var ætlað að leita þekkingar og skilnings á reynslu nemenda af námsmati. Einnig var henni ætlað að veita upplýsingar um hvernig nemendur teldu námsmatið hafa nýst sér til árangurs í námi. Rannsóknin var eigindleg og byggðist á átta rýnihópaviðtölum þar sem rætt var við 48 nemendur, annars vegar úr 10. bekk í grunnskóla og hins vegar nemendur á fyrsta ári í framhaldskóla. Nemendur komu frá tveimur grunnskólum sem höfðu ólíka stefnu í námsmati. Rannsóknin sýndi að nemendur vilja leiðsagnarmat (e. formative assessment). Þeir vildu leiðbeinandi endurgjöf á vinnu sína, endurgjöf sem snýst um verkefni þeirra og vinnuferlið en þeir vildu ekki endurgjöf sem beinist að þeim sjálfum eins og klapp á kollinn. Rannsóknin sýndi að þátttakendum fannst að stór lokapróf og samræmd próf kölluðu á utanbókarlærdóm og segðu ekki mikið um þekkingu nemenda né færni. Nemendur sem rætt var við álitu að betra væri að meta stöðu þeirra í námi út frá stærri verkefnum, svo sem ritgerðum og fyrirlestrum sem nemendur halda sjálfir. Auk þess kom fram að þeir töldu að slík verkefni gætu aukið áhuga þeirra á námi og væru marktækur vitnisburður um hvernig námsmenn þeir væru. Lykilorð: Lokamat, reynsla nemenda. 2008-11-21T14:31:17Z 2008-11-21T14:31:17Z 2008-11-21T14:31:17Z http://hdl.handle.net/1946/2016 is Námsmat Nemendur Grunnskólar Framhaldsskólar Viðhorf Leiðsagnarmat Eigindlegar rannsóknir Meistaraprófsritgerðir Það skiptir svo miklu máli hvernig þetta er gert fyrir námið : námsmat frá sjónarhóli nemenda. Thesis Master's