2026-09-27T11:34:36Zhttps://skemman.is/oai/request

oai:skemman.is:1946/217112018-10-15T13:03:18Zcom_1946_2061com_1946_2057col_1946_2075

Háskóli Íslands Vigdís Hlíf Pálsdóttir 1988- Ingunn Hansdóttir 1964- Áfallastreituröskun og áfengis- og vímuefnaröskun geta verið afleiðingar kynferðisofbeldis, sem og samsláttur þeirra á milli. Með þessari ritgerð var tekið saman hvaða tilgátur hafa verið settar fram um hvernig tengslunum sé háttað í kjölfar kynferðisofbeldis. Jafnframt var skoðað sérstaklega hver áhrif kynferðislegrar misnotkunar í æsku væru á þessi tengsl. Niðurstöður samantektarinnar sýndu að verði einstaklingur fyrir kynferðisofbeldi, hvort sem það er í æsku eða á fullorðinsárum, sé hann útsettari fyrir því að þróa með sér annað hvort eða bæði áfallastreituröskun og áfengis- og/eða vímuefnaröskun. Samsláttur milli þessara raskana er þó gagnverkandi, annars vegar nota einstaklingar vímuefni til þess að draga úr vanlíðan og einkennum áfallastreituröskunar í kjölfar kynferðisofbeldis, hins vegar gerir vímuefnaneysla einstakling útsettari fyrir því að verða fyrir kynferðisofbeldi og afleiðingar þess geta verið áfallastreituröskun. Mikilvægt er að vera vakandi fyrir afleiðingum kynferðisofbeldis og tengslum þess við þróun áfallastreituröskunar og áfengis- og vímuefnaröskunar samhliða. Sérstaklega meðal þeirra sem leita meðferðar vegna áfengis- og vímuefnaneyslu þar sem tíðni samsláttar við áfallastreituröskun er hærri meðal þeirra en í almennu þýði. Mikilvægt er að taka tillit til þessara tengsla og huga að því að veita meðferð við einkennum áfallastreituröskunar þar sem þau spá fyrir um misnotkun áfengis og vímuefna. 2015-05-28T14:50:25Z 2015-05-28T14:50:25Z 2015-05-28 2015-05-28T14:15:41Z 2015-06 http://hdl.handle.net/1946/21711 is Sálfræði Kynferðislegt ofbeldi Áfallastreita Fíkniefnaneysla Yfirlit yfir tengsl áfallastreituröskunar við áfengis- og vímuefnaröskun í kjölfar kynferðisofbeldis Thesis Bachelor's