2026-09-29T05:33:08Zhttps://skemman.is/oai/request

oai:skemman.is:1946/226392019-08-30T07:55:22Zcom_1946_6867com_1946_6001col_1946_34317

Háskólinn í Reykjavík Hafþór Eide Hafþórsson 1989- Sæunn Sunna Samúelsdóttir 1991- Sverrir Ragnars Arngrímsson 1956- Sjávarútvegur er ein af þremur undirstöðu atvinnugreinum Íslands. Innan greinarinnar starfa mörg af stærri fyrirtækjum landsins, sem sérhæfa sig í veiðum og vinnslu sjávarafurða. Sjávarútvegur hefur verið umdeildur um marga ára skeið, sem er hægt að rekja til laga um stjórn fiskveiða. HB Grandi er stærsti handhafi veiðiheimilda á Íslandi og hjá fyrirtækinu starfa um 950 manns til sjós og lands. Fyrirtækið leggur áherslu á virðingu fyrir umhverfi og lífríki sjávar ásamt því að starfsemi félagsins endurspegli samfélagslega ábyrgð í rekstri. Í verkefninu er lögð áhersla á að gefa greinargóða mynd af starfsemi og starfsumhverfi HB Granda með það fyrir augum að draga fram þá áhrifaþætti sem geta ráðið ímynd almennings á fyrirtækinu. Framkvæmd var rannsókn sem unnin var úr gögnum frá stjórnendum HB Granda og almenningi. Markmið rannsóknarinnar var að kanna hvernig ímynd HB Granda er í augum íslensks almennings. Stuðst var við fræðileg hugtök í markaðsfræði og viðskiptasiðfræði. Höfundar settu fram þrjár tilgátur: H1: Fólk með háskólamenntun er jákvæðara í garð HB Granda en fólk án háskólamenntunar. H2: Þeir einstaklingar sem hafa keypt hlutabréf í HB Granda eru jákvæðari í garð HB Granda heldur en fólk sem hefur ekki keypt hlutabréf í fyrirtækinu. H3: Það er fylgni á milli staðhæfingarinnar ,,Ég ber mikla virðingu fyrir HB Granda.” og spurningarinnar ,,Hversu neikvæð/ur eða jákvæð/ur ertu gagnvart HB Granda?”. 2015-09-02T09:28:39Z 2015-09-02T09:28:39Z 2015-09-02 2015-05-15T11:04:09Z 2015-05 http://hdl.handle.net/1946/22639 is Viðskiptafræði Sjávarútvegsfyrirtæki Ímynd Hver er ímynd HB Granda í augum íslensks almennings? Thesis Bachelor's