2026-09-26T08:02:44Zhttps://skemman.is/oai/request

oai:skemman.is:1946/229822020-04-02T07:55:12Zcom_1946_130com_1946_2057col_1946_289

Háskóli Íslands Júnía Sigmundsdóttir 1986- Ásdís Jóelsdóttir 1960- Tilgangur þessa verkefnis var að búa til þemaverkefni fyrir hönnun og smíði fyrir miðstig með áherslu á sköpun og form náttúrunnar. Vegna áherslunnar á form náttúrunnar var ákveðið að samþætta verkefnið við náttúrufræði og unnið var út frá kennslubókinni Líf á landi í hugmyndavinnunni og við skipulag verkefnisins. Þemað var vistkerfi á Íslandi og hvað er að finna í hverju vistkerfi fyrir sig. Í þemaverkefninu voru útfærðar þrjár nálganir eftir þrem ólíkum vistkerfum og sérkennum þeirra. Áhersla var lögð á aðferðina tálgun og tálguð voru tré, plöntur og dýr. Tálgun varð fyrir valinu vegna þess að aðferðin er rótgróin handverksaðferð og reynir á sköpun hvers og eins. Aðferðin er fjölbreytt í eðli sínu og efniviðurinn er aðgengilegur. Þegar færninni er náð er auðvelt fyrir nemendur að tálga hvar sem er á sjálfstæðan hátt. Ferlið var skráð, allt frá hugmyndavinnu að lokaafurð og í lokin var sett saman myndband af afrakstrinum. Þemaverkefnið var samið með áherslu á að gera skapandi verkefni fyrir hönnun og smíði til að stuðla að fjölbreytni í námsgreininni. Í greinargerðinni er fjallað um samþættingu, þemanám og útikennslu ásamt kenningum um nám og áherslur sem birtast í aðalnámskrá grunnskóla. Þá er sérstaklega gerð grein fyrir grunnþáttunum læsi, sjálfbærni og sköpun þar sem sérstaklega var horft til þeirra við gerð verkefnisins. 2015-09-21T15:17:48Z 2015-09-21T15:17:48Z 2015-09-21 2015-05-19T13:38:15Z 2015-06 http://hdl.handle.net/1946/22982 is https://www.youtube.com/watch?v=cWTbO6sMJ94 Faggreinakennsla í grunnskóla Meistaraprófsritgerðir Hönnun og smíði (námsgrein) Miðstig grunnskóla Kennsluverkefni Samþætting námsgreina Náttúrufræðikennsla Þemaverkefni fyrir miðstig í hönnun og smíði Thesis Master's