2026-09-25T14:08:26Zhttps://skemman.is/oai/request

oai:skemman.is:1946/251302018-10-15T09:34:10Zcom_1946_2007com_1946_1992col_1946_2009

Háskólinn á Bifröst Brynjar Árnason 1990- Ragnar Már Vilhjálmsson 1969- Markmið þessarar rannsóknar var að skoða mótun og innleiðingu á stefnu Íslandsbanka frá því að hann var stofnaður í núverandi mynd árið 2009, og til dagsins í dag. Mikill metnaður hefur verið lagður í mótun á stefnu bankans og hafa starfsmenn bankans tekið virkan þátt í mótun hennar á árlegum stefnufundum. Í rannsókninni voru viðhorf starfsmanna til innleiðingarinnar könnuð og skoðanir framkvæmdastjóra og millistjórnenda bornar saman. Þrjár rannsóknarspurningar voru settar fram: Hvernig var stefnumótun og innleiðing hennar háttað hjá Íslandsbanka? Samræmist stefnumótun og innleiðing hennar í Íslandsbanka á einhvern hátt helstu kenningum úr stefnumótunarfræðunum? Hvaða munur er á viðhorfi stjórnenda og millistjórnenda innan bankans til innleiðingarferlis stefnunnar með tilliti til flokkunarkerfis Miles og Snow? Farið var yfir helstu kenningar stefnumótunarfræðanna ásamt kenningum Miles og Snow um formgerðarflokkun á stefnum fyrirtækja. Notast var við lýsandi samanburðarrannsókn þar sem spurningakönnun var lögð fyrir tvo hópa og svör þeirra borin saman. Niðurstöður rannsóknarinnar benda til að þessir hópar séu báðir með góða þekkingu á stefnunni, séu almennt ánægðir með innleiðinguna á henni og sammála um flesta þætti er varða hana. Munur var þó á viðhorfi hópanna til flokkunar á stefnu bankans og hvernig þátttakendur töldu heppilegast að stefnan yrði en þeir voru beðnir um að flokka stefnu bankans eftir flokkunarkerfi Miles og Snow. Niðurstöður benda einnig til þess að við mótun stefnunnar hafi verið horft til stefnumótunarfræðanna. Verkið er lokað tímabundið vegna viðkvæms efnis. 2016-06-10T09:25:24Z 2016-06-10T09:25:24Z 2016-06-10 2016-06-09T09:38:09Z 2016-06 http://hdl.handle.net/1946/25130 is Stefnumótun Bankastarfsemi Millistjórnendur Framkvæmdastjórar Meistaraprófsritgerðir Stefnumótun í nýjum Íslandsbanka Strategic management in a new Íslandsbanki Thesis Master's