2026-09-28T21:58:11Zhttps://skemman.is/oai/request

oai:skemman.is:1946/267762018-10-15T08:52:57Zcom_1946_2000com_1946_1992col_1946_2002

Háskólinn á Bifröst Ragnheiður Valgerður Sigtryggsdóttir 1971- Sigrún Lilja Einarsdóttir 1974- Íslendingar hafa prjónað úr ull af íslensku sauðkindinni í mörg hundruð ár og hefðin er í dag sterk og lifandi. Þessi alþýðuhefð hefur lærst mann fram af manni allt frá því að Íslendingar lærðu fyrst að prjóna til okkar daga. Íslenska ullin skipar þannig sérstakan sess í sögu þjóðarinnar, handverkslega, menningarlega, sagnfræðilega, og sem stór partur af útflutningssögu þjóðarinnar. Með þessari rannsókn er ætlunin að varpa ljósi á handprjón í upphafi 21. aldarinnar og leita svara við því hvaða áhrif samfélagsmiðlar hafa á þróun prjónahefðarinnar og íslenskrar prjónamenningar. Til að skoða prjón á samfélagsmiðlum voru tekin viðtöl og viðmælendur beðnir um að lýsa þætti samfélagsmiðla við þróun handprjóns annars vegar og hvernig þeir sjá fyrir sér að handprjón eigi eftir að þróast áfram á 21. öldinni. Til þess að svara þessum spurningum voru tekin hálfopin eigindleg viðtöl við 10 prjónakonur. Byrjað var á því að spyrja þær út í persónuleg tengsl þeirra við prjónaskap, hvenær þær lærðu að prjóna, hver kenndi þeim, hvers vegna þær prjóna í dag og hvað ræður því hvað þær prjóna. Einnig var rætt um kynjaskiptinguna í handprjónafaginu og viðhorf til handprjónafólks á Íslandi. Rætt var um þátt Internetsins og samfélagsmiðla í handprjónaheiminum í dag og í lokin var spáð fyrir um hvernig handprjónaheimurinn muni halda áfram að þróast áfram á 21. öldinni. Leitast var, með öðrum orðum, við að skoða handprjón á Íslandi í menningarlegu og sögulegu samhengi og skoða hvort og hvernig prjónamenningin er að breytast með tilkomu Internetsins og aukinnar hnattvæðingar. Niðurstöður benda til þess að áhrif Internetsins og samfélagsmiðla séu umtalsverð og fjöldi þeirra sem nýta sér þessa miðla virðist enn vera að aukast. Prjón virðist í auknum mæli vera orðið félagslegt fyrirbæri og hafa færst frá því að prjónað var inni á heimilum fólks bak við luktar dyr yfir í það að verða viðurkenndara og opnara öllum. Áhuginn hjáþeim sem prjóna mikið virðist einnig aukast hratt í samræmi við aukna notkunInternetsins og samfélagsmiðla og aukinn tíma sem eytt er í áhugamálið. Verkefnið rná afrita i einu eintaki til einkanota án sérstaks leyfis höfundar 2017-02-10T09:44:33Z 2017-02-10T09:44:33Z 2017-02-10 2017-01-30T12:44:49Z 2017-02 http://hdl.handle.net/1946/26776 is Handavinna Prjón Menningarfræði Menning Útflutningur 21. öld Meistaraprófsritgerðir Handprjón á samfélagsmiðlum í upphafi 21. aldarinnar. Handknitting on social media in the beginning of the 21.century Thesis Master's