2026-09-30T10:16:24Zhttps://skemman.is/oai/request

oai:skemman.is:1946/274352018-10-15T11:17:10Zcom_1946_2059com_1946_2057col_1946_2065

Háskóli Íslands Halldóra Jóhanna Þorláksdóttir 1973- Unnur Dís Skaptadóttir 1959- Verkefni þetta byggir á etnógrafískri vettvangsrannsókn sem gerð var í höfuðstöðvum Samtaka tíbetskra kvenna í bænum Dharamsala í Norður-Indlandi. Um er að ræða kvennasamtök útlægra kvenna af tíbetskum uppruna sem vinna mikið starf í þágu umhverfis- og náttúruverndar, og eiga aðildarsamtök víða um heim. Voru störf þeirra rannsökuð sem dæmi um viðbrögð fólks við loftslagsbreytingum á svæðum þar sem sýnt þykir að hnattræn hlýnun geti haft miklar neikvæðar afleiðingar. Markmiðið var að varpa ljósi á skilning, upplifun og sýn meðlima samtakanna á vanda hnattrænnar hlýnunar og skoða hvaða þættir hefðu mótandi áhrif á viðbrögð þeirra og störf innan málaflokksins. Tekin voru viðtöl við átta konur innan samtakanna og aðferðum grundaðrar kenningar og orðræðugreiningar beitt til greiningar, ásamt kenningum um hnattvæðingu og þverþjóðleika. Helstu niðurstöður rannsóknarinnar eru að allar konurnar töldu sig hafa upplifað veðrabreytingar sem þær álitu afleiðingar hnattrænnar hlýnunar, og var upplifun þeirra í takt við það sem vísindamenn hafa spáð fyrir um áhrif loftslagsbreytinga á samfélög víða um heim. Frelsispólitík útlagasamfélags Tíbeta var miðlæg í orðræðu samtakanna jafnt sem kvennanna sem rætt var við, og hafði mótandi áhrif bæði á starfsemi samtakanna og í lífi kvennanna. 2017-05-10T15:41:16Z 2017-05-10T15:41:16Z 2017-05-10 2017-05-10T15:25:43Z 2017-05 http://hdl.handle.net/1946/27435 is Hnattræn tengsl Konur Indland Veðurfarsbreytingar Hlýnun jarðar Orðræðugreining Þriðji póllinn bráðnar: Viðbrögð tíbetskra kvennasamtaka við hnattrænni hlýnun Thesis Master's