2026-09-29T08:28:48Zhttps://skemman.is/oai/request

oai:skemman.is:1946/280062025-10-29T14:37:04Zcom_1946_26415com_1946_3515col_1946_26416

Landbúnaðarháskóli Íslands Svanhvít Lilja Viðarsdóttir 1991- Róbert Arnar Stefánsson 1972- Frá mars til júní árið 2007 voru vaðfuglar taldir á nokkrum leirum á Vesturlandi. Meginmarkmiðið með því var að skrásetja komutíma þeirra á leirurnar, tegundasamsetningu og fjölda, auk þess að kanna hvort munur væri á milli þriggja svæða, Mýra, Snæfellsness og norðanverðs Breiðafjarðar. Fyrstu einstaklingar hverrar tegundar sáust á tímabilinu frá byrjun apríl til miðs maí, mismunandi eftir tegundum. Tjaldar og sendlingar hafa hér vetursetu og var því ekki hægt að greina komu fyrstu farfugla þeirra tegunda. Tjaldar voru í hámarksfjölda við upphaf talninga í mars. Ekki var greinilegur munur á komutíma milli Snæfellsness og Mýra en engin tegund sást fyrst við norðanverðan Breiðafjörð. Flestar tegundir náðu hámarki fyrst á Mýrum. Rauðbrystingur var algengasta tegundin og jafnframt sú eina sem fyrst náði hámarki við norðanverðan Breiðafjörð. Um mánaðamótin maí-júní fór tegundum á leirum að fækka. Mikilvægt er að fylgjast með þróun komutíma og stofnstærðar, meðal annars til að sjá hvernig farfuglar bregðast við loftslagsbreytingum. 2017-06-08T14:05:45Z 2017-06-08T14:05:45Z 2017-06-08 2017-05 http://hdl.handle.net/1946/28006 is Vaðfuglar Vesturland Komutími vaðfugla á leirur á Vesturlandi Thesis Bachelor's