2026-09-29T05:17:23Zhttps://skemman.is/oai/request

oai:skemman.is:1946/281842019-08-30T07:56:09Zcom_1946_6867com_1946_6001col_1946_34317

Háskólinn í Reykjavík Axel Ingi Kristinsson 1994- Kristófer Róbertsson 1994- Einar Svansson 1958- Fyrirtæki á íslenskum sjónvarpsmarkaði hafa gengið í gegnum miklar breytingar á síðustu árum. Innkoma erlendra efnisveita og stöðug tækniþróun hefur ekki aðeins breytt áhorfsvenjum neytenda heldur einnig hvernig þeir nálgast sjónvarpsefni. Í þessari ritgerð verður fjallað um þau áhrif sem tækniþróun og innkoma erlendra efnisveita hefur haft á leiðandi fyrirtæki á íslenskum sjónvarpsmarkaði. Ásamt því að farið verður yfir þær áherslur sem fyrirtækin hafa sett sér á tímum stöðugra tæknibreytinga og alþjóðavæðingar. Rannsókn var framkvæmd með eigindlegum rannsóknaraðferðum, þar sem skyggnst var inn í reynsluheim stjórnenda stærstu fyrirtækjanna á íslenskum sjónvarpsmarkaði. Settar voru fram fjórar rannsóknarspurningar, fyrst var rannsakað þau áhrif sem innkoma erlendra efnisveita hefur haft á íslenskan sjónvarpsmarkað. Því næst voru áhrif tækniþróunar á íslenskan sjónvarpsmarkað rannsökuð. Í þriðja lagi var framtíð línulegs áhorfs rannsökuð og síðast var staða auglýsinga á íslenskum sjónvarpsmarkaði rannsökuð. Helstu niðurstöður rannsóknarinnar leiddu í ljós að tækniþróunin sem og erlendar efnisveitur hafi haft umtalsverð áhrif á rekstur íslenskra fyrirtækja á sjónvarpsmarkaði. Þau hafi þurft að skerpa á sínum áherslum og jafnvel endurskoða reksturinn í heild sinni. Rekstur á sjónvarpsmarkaði sé næmur fyrir breytingum, huga þurfi að mörgum þáttum eins og samningamálum, breyttri neytendahegðun og tækniþróun en þessir þættir spili allir stór hlutverk á sjónvarpsmarkaði. Niðurstöðurnar gefa þó til kynna að íslensk fyrirtæki á sjónvarpsmarkaði séu samkeppnishæf gagnvart erlendu efnisveitunum. Þau muni geta sinnt hlutverki sem ekki er séð fram á að erlendar efnisveitur muni koma til með að sinna í náinni framtíð. Lykilorð: Auglýsingar, efnisveitur, línulegt áhorf, sjónvarpsmarkaður, tækniþróun. 2017-06-12T13:21:55Z 2017-06-12T13:21:55Z 2017-06-12 2017-05-15T03:30:15Z 2017-06 http://hdl.handle.net/1946/28184 is Viðskiptafræði Sjónvarp Auglýsingar Dreifikerfi fjarskipta Framtíð sjónvarps á Íslandi : áhrif erlendra efnisveita og tækniþróunar á íslenskan sjónvarpsmarkað Thesis Bachelor's