2026-10-02T22:01:18Zhttps://skemman.is/oai/request

oai:skemman.is:1946/300792018-10-15T09:39:13Zcom_1946_2059com_1946_2057col_1946_2066

Háskóli Íslands Birna Stefánsdóttir 1994- Sigurbjörg Sigurgeirsdóttir 1955- Á undanförnum árum hafa samfélagsmiðlar verið notaðir í auknum mæli til að vekja athygli á og skapa umræðu um margskonar samfélagsleg vandamál. Myllumerki hafa verið notuð til gefa málefnum táknmynd og safna umræðum á sama stað á samfélagsmiðlum en oft er markmiðið líka að ná athygli stjórnvalda í þeirri von að þau geti tekið vandamálin fyrir á dagskrá stjórnvalda. En hvað þarf til að koma málum á dagskrá stjórnvalda? Markmið þessarar ritgerðar er að auka skilning á því hvernig opinber stefnumótun gengur fyrir sig og þá sérstaklega hvernig mál ná athygli stjórnvalda. Með meginrannsóknarspurningu ritgerðarinnar að leiðarljósi verður leitast við að varpa ljósi á það hvort og þá hvernig samfélagsmiðlar geti haft áhrif á dagskrá stjórnvalda með því að hafa áhrif á almenningsálitið. Gögn rannsóknarinnar eru fréttaumfjöllun fjölmiðla, efni sem birt var á samfélagsmiðlum, skriflegar heimildir og bækur. Leitað verður vísbendinga um hvort og þá hvernig umræða á samfélagsmiðlum hafi haft áhrif á almenningsálitið og þá mögulega á dagskrá stjórnvalda. Áhrif samfélagsmiðla verða könnuð með því að skoða aðdraganda þess að gerðar voru breytingar á ákvæðum um uppreist æru í almennum hegningarlögum nr. 19/1940. Farið verður yfir umræðuna sem myndaðist undir myllumerkinu #höfumhátt og atburðarásina sem leiddi til breytinga á ákvæðum um uppreist æru í lögum þann 28. september 2017. Í fræðilega hluta ritgerðarinnar eru teknar til umfjöllunar dagskrárkenningar, sérstaklega kenning Johns W. Kingdons um glugga tækifæranna og straumana þrjá, ásamt fleiri rannsóknum ogkenningum. Niðurstaðan var sú að í þessu afmarkaða tilviki hafi samfélagsmiðlar haft áhrif á að málefnið „uppreist æru“ komst á dagskrá stjórnvalda. Samfélagsmiðlar voru notaðir af brotaþolum Róberts Downeys og aðstandendum þeirra til að vekja athygli á málefninu og hafa áhrif á almenningsálitið. Samfélagsmiðlar, með hjálp fjölmiðla, héldu athygli á málefninu, gáfu því táknmynd og það má segja að áhrif þeirra hafi hraðað öllu stefnumótunarferlinu. 2018-05-08T11:19:51Z 2018-05-08T11:19:51Z 2018-05-08T11:19:51Z 2018-05-08T09:59:35Z 2018-06 http://hdl.handle.net/1946/30079 is Stjórnmálafræði Ríkið Samfélagsmiðlar Fjölmiðlar Almenningsálit Stefnumótun #höfumhátt: Áhrif samfélagsmiðla á dagskrá stjórnvalda Thesis Bachelor's