2026-10-02T04:41:56Zhttps://skemman.is/oai/request

oai:skemman.is:1946/321392019-03-18T11:15:03Zcom_1946_2059com_1946_2057col_1946_2066

Háskóli Íslands Ásdís Elín Jónsdóttir 1992- Helga Þórey Björnsdóttir 1956- Af þeim 7 milljörðum manna sem búa á jörðinni hafa 3,2 milljarðar aðgang að Internetinu en þar er að finna ógrynni upplýsinga sem notendur þess um allan heim geta sótt og deilt án mikillar fyrirhafnar. Mismunandi form valdbeitingar hefur því að sama skapi, farið ört vaxandi á Internetinu og þá vakna spurningar um hver eða hverjir fari með valdið og hvernig skuli með það fara. Í ritgerðinni er rýnt í hvernig mannfræðingar og aðrir fræðimenn hafa í auknum mæli skrifað um vald á stafrænni öld og hvernig sú fræði samrýmast því formi sem Internetið hefur raunverulega tekið sér á einungis fá- einum árum. Farið er yfir uppruna Internetsins í grófum dráttum auk þess sem skoðað er hvernig Internetið er notað sem tæki til valdbeitingar og hvernig þeir sem fara með valdið stjórna í raun Internetinu. Ásamt því eru birtingarmyndir valds á Internetinu skoðaðar og það hvernig almenningur getur notfært sér Internetið til að beita valdi á sama tíma og stjórnvöld geta notfært sér Internetið til þess að stjórna og aga þegna sína. Friðhelgi einkalífs og önnur lög sem bæði skylda þegna til að framfylgja lögum og þau sem kveða á um hvernig stjórnvaldið skuli fylgja reglum, er mikilvægur hlekkur í allri umræðu um áhrif Internetsins á samfélagið. Internetið hefur þó búið til gríðarlega mikilvægan vettvang fyrir fólk til að fullnægja rétti sínum til tjáningarfrelsis. Að lokum er fjallað um þær skyldur sem stjórnvöld hafa lagt á herðar fyrirtækja til verndunar fyrir almenning, en þar eru persónuverndarlögin og skyldan á fyrirtæki að hafa getuna til að gleyma notanda eða viðskiptavin. Á endanum er staldrað við og velt vöngum yfir því hvernig skuli refsa fyrir glæpi á Internetinu. Þá sérstaklega hvort að eftirlitið sem þyrfti myndi ekki á endanum brjóta í bága við þær reglur sem eru í gildi í því þjóðríki sem íbúar þeirra telja sig lifa í. 2019-01-10T08:55:24Z 2019-01-10T08:55:24Z 2019-01-10T08:55:24Z 2019-01-09T19:45:37Z 2019-02 http://hdl.handle.net/1946/32139 is Mannfræði Netið Vald Persónuvernd Vígvöllur okkar tíma: Togstreita valdbeitingar á Internetinu Thesis Bachelor's