2026-09-30T15:25:20Zhttps://skemman.is/oai/request

oai:skemman.is:1946/342192019-06-27T08:41:00Zcom_1946_130com_1946_2057col_1946_132

Háskóli Íslands Markús Bjarnason 1979- Jakob Frímann Þorsteinsson 1969- Á árunum 2018 og 2019 flakkaði ég á milli átta frístundaheimila með skapandi tónlistarstarf, þar sem mikil áhersla var lögð á frjálsan spuna í raftónlist og trommuleik. Tilgangur verkefnisins var að búa til aðstæður þar sem krakkar gætu komist í frjálst flæði tónlistarsköpunar með vellíðan þátttakenda að aðalmarkmiði. Á grundvelli starfsreynslu minnar í frístundastarfi og sem tónlistarmaður, auk fræðilegu hliðarinnar úr náminu, þróaði ég verkefnið áfram og útbjó handbók út frá því, sem vonandi mun nýtast frístundastarfsfólki sem hefur hug á að koma á fót skapandi tónlistarstarfi. Aðferð hins þjónandi leiðbeinanda, með áherslu á flæði, reynslunám, frjálsa sköpun og vellíðan þátttakenda gafst vel og gerði börnum með ólíkan bakgrunn kleift að uppgötva á eigin forsendum hvernig það er að taka þátt í tónlistarsköpun. Vegna þess hve auðveldlega börnin upplifðu flæði eða hamingju í ferlinu er óhætt að segja að verkefnið hafi haft jákvæð áhrif á líðan og þroska þátttakenda en rannsóknir á sviði jákvæðrar sálfræði benda eindregið til þess að á tímabilum hamingju sé manneskjan opnari fyrir nýrri reynslu og þroska. Heila og taugarannsóknir sýna síðan framá hversu mikla sérstöðu áhrif tónlistar hefur á líkama og huga mannsins. Niðurstaðan er sú að tónlistarsköpun hafi þannig ótvírætt erindi inn í kjarna frístundastarfs barna. 2019-06-27T08:40:59Z 2019-06-27T08:40:59Z 2019-06-27T08:41:00Z 2019-05-11T14:23:46Z 2019-05 http://hdl.handle.net/1946/34219 is BA ritgerðir Tómstunda- og félagsmálafræði Tónlistarkennsla Tómstundafræði Tónlistarsköpun í frístundastarfi barna : þróunarverkefni unnið á átta frístundaheimilum Kringlumýrar Thesis Bachelor's