2026-10-02T03:09:30Zhttps://skemman.is/oai/request

oai:skemman.is:1946/355072020-10-01T10:49:11Zcom_1946_2059com_1946_2057col_1946_2066

Háskóli Íslands Hafsteinn Björn Gunnarsson 1996- Magnús Þór Torfason 1976- Áhrif nýsköpunar og frumkvöðlastarfsemi á hagvöxt hafa lengi verið vinsælt umfjöllunar- og rannsóknarefni. Á undanförnum árum hefur aukin athygli einnig verið veitt fyrirtækjum sem vaxa sérstaklega hratt yfir ákveðið tímabil, svokölluðum sprettfyrirtækjum, og áhrifum þeirra á hagvöxt og atvinnu. Markmið þessarar rannsóknar er að greina þróun í vexti íslenskra nýsköpunarfyrirtækja, sem nú eru starfandi, og athuga hvernig þau hafa fallið að skilgreiningu sprettfyrirtækja á síðustu árum. Til þess eru rekstrartekjur ellefu íslenskra nýsköpunarfyrirtækja, yfir tímabilið 1995-2019, greindar með aðferð leitnigreiningar. Meðal annarra fyrirtækja eru Marel og Össur rannsökuð, en sökum árangurs og stærðar þeirra eru þau notuð sem eins konar viðmiðunarfyrirtæki í rannsókninni. Umræða skapast gjarnan um það hvort vöxtur Marels og Össurar hafi verið einstakur og óvenjulega mikill fyrir íslensk fyrirtæki eða hvort íslensk nýsköpunarfyrirtæki séu að vaxa nógu hratt til þess að geta fetað í fótspor þeirra. Niðurstöður sýna að sjö af þeim ellefu fyrirtækjum, sem tekin eru til skoðunar, gátu talist til sprettfyrirtækja á rannsóknartímabilinu. Marel og Össur hafa verið í sérflokki þegar kemur að vexti íslenskra nýsköpunarfyrirtækja og hafa tekið bæði fleiri og stærri spretti heldur en önnur fyrirtæki í úrtakinu. Ef eitthvert nýsköpunarfyrirtækjanna, sem hér er fjallað um, mun vaxa jafn hratt og mikið og Marel eða Össur hafa gert, þá er sá vöxtur ekki langt á veg kominn. Þó má benda á marga sterka spretti hjá íslenskum nýsköpunarfyrirtækjum á síðustu árum, sem erfitt er að útiloka að séu upphaf vaxtartímabils eins og það sem Marel og Össur áttu, að minnsta kosti út frá þeim gögnum sem hér eru notuð. 2020-05-22T09:15:34Z 2020-05-22T09:15:34Z 2020-05-22T09:15:34Z 2020-05-21T23:44:07Z 2020-05 http://hdl.handle.net/1946/35507 is Viðskiptafræði Nýsköpun í atvinnulífi Hagvöxtur Vaxa íslensk nýsköpunarfyrirtæki nógu hratt? Leitnigreining á vaxtarferli valinna nýsköpunarfyrirtækja Thesis Bachelor's