2026-09-25T19:38:24Zhttps://skemman.is/oai/request

oai:skemman.is:1946/383042021-05-10T13:28:47Zcom_1946_2059com_1946_2057col_1946_2066

Háskóli Íslands Sigríður María Sigmarsdóttir 1986- Halldór Sigurður Guðmundsson 1959- Á Íslandi hvílir tilkynningarskylda á öllum þeim sem hafa afskipti af börnum samkvæmt 17. mg. barnaverndarlaga (nr. 80/2002). Tilkynna ber ef grunur leikur á að barn búi við óviðunandi uppeldisaðstæður, ofbeldi eða vanrækslu. Markmið þessarar ritgerðar er að skoða hver möguleg ástæða getur verið fyrir því að fáar tilkynningar koma frá leikskólum til barnaverndar, en þær eru um 2% á ári af heildarfjölda tilkynninga sem berast til barnaverndarnefnda. Í ritgerðinni verður leitast við að svara spurningunni „Af hverju eru hlutfallslega fáar tilkynningar að berast frá leikskólum til barnaverndarnefnda?“. Þessi ritgerð er fræðileg samantekt. Leitað var að heimildum í lögum og reglum ásamt fyrri rannsóknum. Helstu niðurstöður voru þær að mikil nánd leikskólastarfsmanna við foreldra væri fyrirstaða þess að tilkynnt væri til barnaverndarnefnda. Leikskólastjórar upplifði óöryggi við að tilkynna um grun á ofbeldi eða vanrækslu gegn barni, þar sem ekki væru beinar sannanir fyrir hendi. Niðurstöður sýndu einnig fram á skort á þekkingu á einkennum ofbeldis og vanrækslu, litla sem enga þekkingu leikskólastarfsmanna á tilkynningarskyldu sinni og að samvinna á milli leikskóla og barnaverndar væri ábótavant. Það má draga ályktun út frá niðurstöðum þessarar ritgerðar að mikilvægt sé að upplýsa starfsfólk vel um tilkynningarskyldu sína, og efla samstarf á milli leikskóla og barnaverndar til þess að stuðla að velferð barna. 2021-05-10T13:28:45Z 2021-05-10T13:28:45Z 2021-05-10T13:28:47Z 2021-05-10T12:19:14Z 2021-06 http://hdl.handle.net/1946/38304 is Félagsráðgjöf Samvinna um velferð barna og tilkynningarskylda leikskóla Thesis Bachelor's