2026-09-26T18:41:57Zhttps://skemman.is/oai/request

oai:skemman.is:1946/402252022-01-05T11:25:09Zcom_1946_6867com_1946_6001col_1946_34317

Háskólinn í Reykjavík Höskuldur Gunnlaugsson 1994- Róbert Ragnar Grönqvist 1979- Í þessari ritgerð eru teknir til rannsóknar möguleikar lítilla og og meðalstórra fyrirtækja á íslenskum hlutabréfamarkaði með sérstöku tilliti til First North Iceland hliðarmarkaðar Kauphallarinnar. Skoðuð er staða og framlegð lítilla og meðalstórra fyrirtækja í atvinnu- og efnahagslífi landsins og helstu leiðir þeirra til fjármögnunar í uppbyggingu sinni og rekstri. Með Hruninu tók fyrir fjármögnun þeirra með hlutafé og lánafyrirgreiðslu handa þeim voru sett mun þrengri skilyrði en áður. Kauphöllin var í þessu ástandi líflaus og fráleitt nothæfur vettvangur fyrir fjármögnun lítilla og meðalstórra fyrirtækja, allra síst nýrra. Með stofnun First North vaxtarmarkaðar Nasdaq árið 2006 í fjórum af Norðurlöndunum auk Eystrasaltsríkjanna og stöðu hans sem hliðarmarkaðar Kauphallarinnar sköpuðust nýir möguleikar fyrir lítil og meðalstór fyrirtæki að sækja sér hlutafé á opnum markaði. Í rannsókninni er skoðað hverjir þessir möguleikar eru og hvernig fyrirtækin geti helst nýtt sér þá. Í því augnamiði er fyrirliggjandi þekking um hlut lítilla og meðalstórra fyrirtækja í atvinnu og efnahagslífi þjóðarinnar skoðuð og ríkjandi fjármögnunarleiðir þeirra. Í ljósi þeirrar þekkingar er leitað upplýsinga, mats og álits hjá nokkrum aðalleikurum á þessu sviði á kostum þess og göllum að skrá fyrirtæki á First North Iceland, hliðarmarkað Kauphallarinnar, forstjóra Kauphallarinnar, tveim fyrirtækjaráðgjöfum hjá Arctica Finance, forstjóra Play og forstjóra Sláturfélags Suðurlands,. Niðurstöður rannsóknarinnar eru athyglisverðar: Þessi markaður tengir vissulega saman fjármagn og fyrirtæki í rekstri og þróun en hann tengir líka saman fjármagn og hugmyndir. Til þess að virkja betur almenning til beinnar þátttöku og áhrifa í atvinnulífinu í gegnum sparifé sitt er nauðsynlegt að hlúa að því sem viðmælendur kalla hluthafamenningu þjóðarinnar. Til þess á ríki og löggjafi nokkrar leiðir en stóra spurningin gæti verið sú, hvort tímabært sé að færa hluta af vaxandi lífeyrissparnaði þjóðarinnar úr höndum fárra stjórnenda í hendur þeirra sem eiga hann og vilja ráðstafa honum persónulega í fjárfestingar í litlum og meðalstórum fyrirtækjum sem þeir hafa trú á. 2022-01-05T11:25:07Z 2022-01-05T11:25:07Z 2022-01-05T11:25:09Z 2021-12-22T23:21:40Z 2021-12 http://hdl.handle.net/1946/40225 is Viðskiptafræði Hlutabréfamarkaðir Lítil og meðalstór fyrirtæki Tækifæri lítilla og meðalstórra fyrirtækja á hliðarmarkaði Kauphallarinnar Thesis Bachelor's