2026-10-03T03:15:40Zhttps://skemman.is/oai/request

oai:skemman.is:1946/410352022-05-06T13:03:03Zcom_1946_2059com_1946_2057col_1946_2065

Háskóli Íslands Telma Dögg Stefánsdóttir 1989- Ásdís Emilsdóttir Petersen 1953- Hröð þróun upplýsinga- og samskiptatækni hefur valdið ýmsum breytingum í atvinnulífinu og fjöldi nýrra vinnufyrirkomulaga hafa litið dagsins ljós. Markmið rannsóknarinnar ,,...þetta er miklu þægilegra en ég var í áður“: Upplifun stjórnenda og starfsmanna í þjónustufyrirtækjum á Íslandi af starfsánægju í starfi án staðsetningar, var að skoða upplifun stjórnenda og starfsmanna í þjónustufyrirtækjum á Íslandi af starfsánægju í starfi án staðsetningar. Rannsakandi vonast til að opna umræður um starf án staðsetningar enn frekar og þá sérstaklega á starfsánægju í slíku vinnufyrirkomulagi. Rannsóknarspurningin var: Hver er upplifun stjórnenda og starfsmanna í þjónustufyrirtækjum á Íslandi af starfsánægju í starfi án staðsetningar? Leitast var svara við rannsóknarspurningunni með því að notast við eigindlega rannsóknaraðferð, þar sem stuðst var við fyrirbærafræðilegt sjónarhorn við öflun gagna og greiningu á þeim, með áherslu á að fá upplifun og reynslu viðmælenda. Tekin voru tólf viðtöl við stjórnendur og starfsmenn frá ólíkum þjónustufyrirtækjum sem eru með störf án staðsetningar. Við greiningu viðtalanna voru fimm þemu sem birtust rannsakanda en þau voru persónubundin starfsánægja, gagnkvæmt traust, frelsi, nánd og einangrun og afköst og næði. Niðurstöður rannsóknarinnar bera þau merki að atvinnurekendur sem hafa tækifæri til að bjóða starfsfólki sínu starf án staðsetningar, geti aukið starfsánægju starfsmanna sinna. Starf án staðsetningar er þó ekki allra og gæti tekið tíma fyrir suma að aðlagast. Þá gæti verið hentugt fyrir starfsmenn að nýta þetta vinnufyrirkomulag í bland við staðvinnu. Við greiningu viðtalanna kom kjarni (e. essence) viðfangsefnisins í ljós: Gott í bland. Lykilhugtök: Starfsánægja, sjálfræði og traust, samskipti, sveigjanleiki, vinnuaðstaða. 2022-05-06T13:03:01Z 2022-05-06T13:03:01Z 2022-05-06T13:03:03Z 2022-05-05T23:26:35Z 2022-05 http://hdl.handle.net/1946/41035 is Mannauðsstjórnun „…þetta er miklu þægilegra en ég var í áður“: Upplifun stjórnenda og starfsmanna í þjónustufyrirtækjum á Íslandi af starfsánægju í starfi án staðsetningar Thesis Master's