2026-10-01T13:10:32Zhttps://skemman.is/oai/request

oai:skemman.is:1946/411882022-05-12T09:23:32Zcom_1946_2059com_1946_2057col_1946_2066

Háskóli Íslands Katarina Sara Stojadinovic 1997- Unnur V. Ingólfsdóttir 1952- Ritgerð þessi er lokaverkefni til BA-gráðu í félagsráðgjöf við Háskóla Íslands. Markmið ritgerðarinnar er að varpa ljósi á mikilvægi seiglu og tilvist verndandi þátta hjá börnum sem beitt hafa verið líkamlegu- og andlegu ofbeldi. Gerð verður grein fyrir kenningum sem útskýra þroska barna og hinum ýmsu þáttum sem kunna að hafa áhrif á hann. Fjallað verður um ofbeldi gegn börnum þar sem birtingarmyndum líkamlegs- og andlegs ofbeldis verða gerð ítarleg skil auk þeirra afleiðinga sem slíkt ofbeldi getur haft í för með sér. Hugtakið seigla og mikilvægi hennar verður útskýrt, gerð verður grein fyrir barnaverndarlögunum, hlutverki félagsráðgjafa og mikilvægi þeirra þegar kemur að mótun seiglu barna sem mátt hafa þola ofbeldi. Álit samfélagsins hefur tekið stakkaskiptum þegar kemur að ofbeldi gegn börnum og hefur réttarstaða þeirra aukist samhliða því. Rannsóknum á börnum í slíkum sporum fer sífellt fjölgandi og benda þær helst til að ofbeldi gegn börnum hefur veruleg áhrif á þroska þeirra og velferð. Afleiðingar þessar geta verið af mörgu tagi en þó virðist svo vera að sumum börnum í þessum sporum tekst að dafna þrátt fyrir mótlæti. Þau börn búa yfir seiglu en rannsóknir sýna að sá eiginleiki mótast af fjölmörgum þáttum í daglegu líf barns. Seigla barns sem hefur verið beitt ofbeldi getur skipt sköpum varðandi það hvernig því vegnar í framtíðinni. Seigla mótast af ýmsum verndandi þáttum og er því mikilvægt að slíka þætti sé að finna hjá barninu sjálfu sem og í umhverfi þess. 2022-05-12T09:23:30Z 2022-05-12T09:23:30Z 2022-05-12T09:23:32Z 2022-05-11T22:57:03Z 2022-05 http://hdl.handle.net/1946/41188 is Félagsráðgjöf Oft veltir lítil þúfa þungu hlassi: Mikilvægi seiglu og verndandi þátta hjá börnum sem hafa mátt þola ofbeldi Thesis Bachelor's