2026-10-02T23:34:46Zhttps://skemman.is/oai/request

oai:skemman.is:1946/425542022-07-13T14:39:39Zcom_1946_2007com_1946_1992col_1946_2008

Háskólinn á Bifröst Tanja Sif Ingimundardóttir 1994- Vera Dögg Höskuldsdóttir 1988- Undanfarin ár hafa stafrænir miðlar þróast töluvert og nýjar leiðir í markaðsmálum hafa litið dagsins ljós. Áhrifavaldamarkaðssetning er ein leið sem markaðsfólk er farið að nýta í miklum mæli í markaðsstarfi. Áhrifavaldar geta haft áhrif á vörumerkjaímynd og getur hún skilað vörumerkjum góðum árangri ef farið er rétt að. Markmið rannsóknarinnar var að kanna hvaða einkenni áhrifavalda hafa helst áhrif á kauphegðun mæðra barna á aldrinum 0-5 ára. Því var eftirfarandi rannsóknarspurning sett fram „Hvaða einkenni áhrifavalda hafa helst áhrif á mæður ungra barna?“ Til að komast nær því hvaða einkenni áhrifavaldar verða að búa yfir lagði rannsakandi fram spurningakönnun og var hún send út á samfélagsmiðlinum Facebook, bæði á Facebookhópinn „Mæðra tips“ sem og í gegnum fyrirtækjaaðgang rannsakanda. Þýði rannsóknarinnar voru mæður barna á aldrinum 0-5 ára og barst 621 svar í heildina. Ásamt spurningakönnuninni voru tekin viðtöl við þrjá sérfræðinga í samfélagsmiðlum. Svör úr megindlegu sem og eigindlegu rannsóknunum áttu að varpa ljósi á hvaða einkenni áhrifavaldar verða að búa yfir til að hafa áhrif á kauphegðun mæðra. Helstu niðurstöður leiddu í ljós að áhrifavaldar verða að vera trúverðugir og einlægir. Einnig verða þeir að leggja upp úr að eiga í persónulegum samskiptum við fylgjendur sína og vera samkvæmir sjálfum sér. Til að nálgast mæður ungra barna er vænlegast til árangurs að áhrifavaldurinn eigi sjálfur barn og hafi sérþekkingu á vörunni sem hann er að auglýsa og noti hana í sínu daglega lífi. Afritun er óheimil að hluta eða í heild án leyfis höfundar hverju sinni. 2022-07-13T14:39:37Z 2022-07-13T14:39:37Z 2022-07-13T14:39:39Z 2022-05-04T22:33:59Z 2022-06 http://hdl.handle.net/1946/42554 is Lokaritgerðir Viðskiptafræði Markaðssetning Neytendahegðun Samfélagsmiðlar Einkenni áhrifavalda Thesis Bachelor's