2026-09-26T18:39:56Zhttps://skemman.is/oai/request

oai:skemman.is:1946/425662022-07-18T14:32:34Zcom_1946_2007com_1946_1992col_1946_2009

Háskólinn á Bifröst Hanna Margrét Arnardóttir 1993- Ragnar Már Vilhjálmsson 1969- Markmið rannsóknarinnar er að kanna viðhorf og væntingar íslenskra neytenda til upprunalands hönnunarvara. Auk þess er markmiðið að rannsaka hvað fær íslenska neytendur til að kaupa íslenska fatahönnun. Blönduð rannsóknaraðferð var notuð til að afla gagna. Í fyrsta lagi var framkvæmd eigindleg viðtalsrannsókn við fatahönnuði og starfsmenn hönnunarverslana sem selja aðra vöruflokka hönnunar. Í öðru lagi var megindleg spurningakönnun lögð fyrir íslenska neytendur. Helstu niðurstöður sýna að þau vörumerki sem kjósa að tengja sig við Ísland gera það með beinni skírskotun í Ísland í gegnum heiti vörumerkja, markaðssetningu og í vörunum sjálfum. Auk þess reyna þau markvisst að framleiða vörur úr íslensku hráefni og framleiða vörur sínar hjá íslenskum framleiðslufyrirtækjum þó lítið sé í boði. Vörumerki sem ekki nota Ísland til að aðgreina sig reyna markvisst að miðla virði annarra gæðaþjóða til neytenda sinna. Á endanum eru það gæði, ending og útlit vörunnar sem mestu máli skiptir. Hvert upprunalandið er getur þó ýtt undir bæði jákvæðar og neikvæðar tilfinningar í garð vörumerkisins. Niðurstöður spurningakannaninnar sýna að áhrif upprunalands á kaupákvörðun er almennt sterkari við kaup á hönnunarvörum heldur en á ódýrari vörum. Upprunaland gefur til kynna hvaða gæðum má búast við og tengist beint ímynd vörumerkisins. Íslenskir neytendur virðast treysta betur hönnunarvörum frá löndum sem líkjast þeirra menningu, hefðum og lifnaðarháttum. Yngri neytendur eru þá líklegri til að leiða upprunaland hjá sér við kaup á hönnunarvörum og sama á við þá sem hafa minni tekjur. Afritun er með öllu óheimil að hluta eða í heild án leyfis höfundar hverju sinni. 2022-07-18T14:32:32Z 2022-07-18T14:32:32Z 2022-07-18T14:32:34Z 2022-05-06T21:56:19Z 2022-06 http://hdl.handle.net/1946/42566 is Meistaraprófsritgerðir Viðskiptafræði Fatahönnun Neytendafræðsla Neytendahegðun Skiptir upprunaland hönnunarvöru máli í huga íslenskra neytenda? Thesis Master's