2026-10-01T02:05:40Zhttps://skemman.is/oai/request

oai:skemman.is:1946/42902018-10-15T09:40:35Zcom_1946_2059com_1946_2057col_1946_2066

Háskóli Íslands Eva Björk Óladóttir 1983- Kristján Jóhannsson 1951- Viðfangsefni þessarar ritgerðar er að sjá hverjar breytingar á fjárfestingarstefnu verðbréfa- og fjárfestingarsjóða hafa verið eftir bankahrun í október 2008, hvaða sjóðir voru lokaðir í kjölfar hrunsins og hvort nýir komu á markaðinn. Svarað verður spurningunni ,,Hvaða breytingar hafa orðið á fjárfestingarstefnum verðbréfa- og fjárfestingarsjóða eftir bankahrun?”. Fjárfestingarstefnur segja til um almenn markmið sjóðanna og í hverju eigi að fjárfesta og að hve miklu leyti frávik geta verið frá stefnunni. Með verðbréfasjóði er átt við safn af verðbréfum og öðrum fjármálagerningum sem auðvelt er að kaupa og selja. Munurinn á verðbréfasjóði og fjárfestingarsjóði felst fyrst og fremst í fjárfestingarheimildum þeirra og hafa fjárfestingarsjóðir mun rýmri heimild til fjárfestinga. Til að komast að því hvernig stefnurnar breyttust voru síðustu útgefnu reglur og útboðslýsingar sjóðanna fyrir hrun skoðaðar og bornar saman við núverandi reglur og útboðslýsingar. Þeir sjóðir sem teknir eru fyrir eru reknir af tveimur rekstrarfélögum; Íslandssjóðum hf. (var Glitnir sjóðir) og Stefni hf. (var Rekstrarfélag Kaupþings Banka) og verður aðeins fjallað um þá sjóði sem fjárfestu hér innanlands. Helstu niðurstöður voru þær að ekki miklar breytingar hafa verið gerðar á fjárfestingarstefnum sjóða. Þeir sjóðir sem eru hlutabréfasjóðir breyttu hvað mest stefnum sínum. Hafa þeir nú heimild til að fjárfesta í óskráðum hlutabréfum sem þeir máttu ekki áður eða þá með miklum takmörkunum. Skuldabréfasjóðir eru að mestu leyti með sömu fjárfestingarstefnur en nokkrum þeirra var hins vegar lokað eftir hrunið eða eru í slitameðferð og eru þeirra stefnur breyttar á meðan á því stendur. Allir þeir peningamarkaðssjóðir sem voru starfandi þegar hrunið varð hafa verið lokaðir og var það gert að tilmælum Fjármálaeftirlitsins. Fimm nýir sjóðir hafa litið dagsins ljós og hafa verið opnaðir þrír nýir sjóðir hjá Stefni og tveir hjá Íslandssjóðum. 2010-01-13T13:38:36Z 2010-01-13T13:38:36Z 2010-01-13T13:38:36Z http://hdl.handle.net/1946/4290 is Viðskiptafræði Fjárfestingar Verðbréfasjóðir Bankahrunið 2008 Íslenskir verðbréfa- og fjárfestingarsjóðir. Breyting á fjárfestingarstefnu eftir bankahrun Thesis Bachelor's