2026-09-24T20:29:38Zhttps://skemman.is/oai/request

oai:skemman.is:1946/434472023-03-16T13:12:12Zcom_1946_2007com_1946_1992col_1946_2009

Háskólinn á Bifröst Rakel Jónsdóttir 1987- Brynjar Þór Þorsteinsson 1970- Vörumerkjavirði er mikilvægt hugtak í viðskipta- og markaðsfræði í dag. Vörumerkjavirði getur meðal annars fært fyrirtækjum meiri hagnað, velgengni og árangursríkari markaðsaðgerðir. Vörumerkjavirði getur einnig auðveldað viðskiptavinum að túlka og vinna úr upplýsingum vörumerkja sem getur haft jákvæð áhrif á kaupákvörðun þeirra og auðveldað þeim valið þegar kemur að því að kaupa vöru eða velja ákveðið vörumerki. Fata- og textíliðnaðurinn er afar mengandi og neytendur eru margir hverjir meðvitaðir um þann umhverfisvanda sem hann veldur. Neytendur gera æ meiri kröfur um að fyrirtæki í fataiðnaði leggi áherslu á umhverfisvernd og sífellt fleiri fyrirtæki hafa tileinkað sér umhverfisvænar áherslur. Rannsóknarefni þessarar ritgerðar er að skoða hversu mikil áhrif umhverfisvæn skynjun viðskiptavina hefur á vörumerkjavirði íslenskra fatavörumerkja og hvort umhverfisvænt viðhorf viðskiptavina hafi áhrif á jákvætt viðhorf þeirra í garð íslenskra fatavörumerkja. Til að afmarka viðfangsefni rannsóknarinnar voru valin tvö íslensk fatavörumerki sem hafa skýra umhverfisstefnu; As We Grow og Farmers Market. Megindleg rannsókn var gerð í formi spurningakönnunar þar sem notast var við snjóbolta- og hentugleikaúrtak á samfélagsmiðlinum Facebook og í gegnum tölvupóst. Niðurstöður rannsóknarinnar leiddu í ljós að umhverfisvæn skynjun viðskiptavina á vörumerkjunum, sem hluti af umhverfisvænni ímynd þeirra, er mikilvæg breyta sem hefur áhrif á vörumerkjavirði þessara fatavörumerkja. Þá sýndu niðurstöður rannsóknarinnar að afstaða viðskiptavina til umhverfismála eða umhverfisvænt viðhorf viðskiptavina hefur sömuleiðis áhrif á vörumerkjavirði fatavörumerkjanna tveggja en áhrifin eru ekki eins mikil og af umhverfisvænni skynjun viðskiptavina eða ímynd vörumerkjanna sem umhverfisvænna. Verkefnið má afrita í einu eintaki til einkanota án sérstaks leyfis höfundar 2023-03-16T13:12:11Z 2023-03-16T13:12:11Z 2023-03-16T13:12:12Z 2022-12-05T12:56:47Z 2022-12 http://hdl.handle.net/1946/43447 is Viðskiptafræði Markaðsfræði Vörumerki Neytendahegðun Fataiðnaður Umhverfisáhrif Áhrif umhverfisvænnar skynjunar neytenda og umhverfisvæns viðhorfs þeirra á vörumerkjavirði íslenskra fatavörumerkja Thesis Master's