2026-09-30T08:22:57Zhttps://skemman.is/oai/request

oai:skemman.is:1946/441872023-05-11T16:18:59Zcom_1946_2059com_1946_2057col_1946_2066

Háskóli Íslands Hilmir Örn Ólafsson 2001- Hersir Sigurgeirsson 1972- Markmið þessa verkefnisins er að fá yfirsýn yfir stýringu skuldabréfasafna á Íslandi, þær aðferðir sem notaðar eru og þá þætti hagkerfisins sem horft er til. Almennt er talað um tvær meginaðferðir við stýringu skuldabréfasafna, óvirk og virk stýring. Virk stýring er þegar ákvarðanir eru byggðar á væntingum fjárfestis á meðan óvirk stýring gerir engar væntingar um framtíðar markaðsaðstæður og reiðir sig frekar á fyrirsjáanleika og fastar tekjur. Innleiðing aðferða við stýringu skuldabréfasafna á íslandi er ekki alltaf auðveld vegna takmarkanna markaðarins. Til að nálgast markmið verkefnisins voru tekin viðtöl við 14 reynda stjórnendur skuldabréfasafna hjá íslenskum fjármálastofnunum og þeir spurðir 11 spurninga um aðferðafræði þeirra við stýringu skuldabréfasafna. Niðurstöður viðtalanna voru síðan dregnar saman. Niðurstöður þessara viðtala gáfu til kynna að flestir skuldabréfasjóðir eru settir upp eftir ákveðnum fjárfestingaramma og viðmiðum en þá eru vikmörk frá því viðmiði notuð til að nýta sér tækifæri á markaði. Skuldabréfasöfn lífeyrissjóða eru sett upp á þann hátt að þau þurfa að standa undir lífeyrisgreiðslum framtíðarinnar. Hægt er að segja að lífeyrissjóðir fylgi því sem líkist óvirkri stýringu á meðan aðrar fjármálastofnanir noti vikmörk safna sinna til beita virkri stýringu. Viðmælendur nefndu að eitt það mikilvægasta sem horfa þarf til við stýringu skuldabréfasafna eru hagstærðir og flæðið á markaði. Fjárfestar leggja þá mikla áhersla á stefnu Seðlabanka Íslands, verðbólguálag og gengi krónunnar. Sjóðstjórar fjárfestingafélaga voru flestir sammála um að meiri seljanleika og dreifingu þyrfti í aðra flokka en þá sem gefnir eru út af ríkinu. Þá er gerð markaðarins þannig að hann er persónulegur og mikilvægt er að vera góður að safna upplýsingum og tala við fólk sem starfar á fjármálamarkaði. Einnig kom fram að erfitt er að innleiða almennar aðferðir þar sem eini hluti markaðarins þar sem það væri hægt að gera er á markaði með ríkisskuldabréf. Viðmælendur nefndu að á íslenska skuldabréfamarkaðnum er lítill seljanleiki, lítið úrval skuldabréfa og fáir virkir þátttakendur. Þá voru flestir viðmælendur sammála um það að lífeyrissjóðir á Íslandi eiga of stóran hluta af markaðnum, hafa litla skoðun á honum og hreyfa eignir sínar lítið. 2023-05-11T16:18:56Z 2023-05-11T16:18:56Z 2023-05-11T16:18:58Z 2023-05-11T15:59:07Z 2023-05 http://hdl.handle.net/1946/44187 is Hagfræði Stýring skuldabréfasafna á Íslandi: Aðferðir á íslenskum skuldabréfamarkaði Thesis Bachelor's