2026-09-27T09:54:31Zhttps://skemman.is/oai/request

oai:skemman.is:1946/447922025-10-23T15:08:41Zcom_1946_35059com_1946_3515col_1946_35060

Landbúnaðarháskóli Íslands Margrét Sigurðardóttir 1993- Hermann Georg Gunnlaugsson 1966- Nútíma samfélög kalla eftir betra aðgengi að öruggum almenningssvæðum sem ýta undir aukna andlega vellíðan og betri líkamlega heilsu. Það hefur sýnt sig eftir Covid-faraldurinn hversu mikilvæg þessi svæði eru til að fá fólk út úr húsi svo það komist yfir félagsfælnina sem mögulega myndaðist með einangruninni. Verkefnið rannsakar hvernig barnvænt skipulag getur haft jákvæð áhrif á samfélagið í heild sinni með heilbrigði barna í fyrirrúmi og hvernig það gæti stuðlað að heilbrigðara samfélagi. Fyrir börn og fullorðna að vera úti í náttúrunni hefur ekki bara góð áhrif á andlega og líkamlega líðan þeirra heldur getur það einnig styrkt ónæmiskerfi barna. Það að vera úti hvetur börn til þess að hreyfa sig, eykur einbeitingu þeirra og dregur úr streitu sem hefur svo áhrif á þroska þessara litlu einstaklinga. Náttúruleiksvæði gæti því verið ákjósanlegri kostur fyrir börn þar sem rannsóknir sýna að þau hafi jákvæð áhrif á líðan barna og skerpi hugmyndaflug þeirra. Í þessu verkefni verður fjallað um opið svæði á Hvolsvelli sem kallast Aldan og liggur á milli efri og neðri byggðar bæjarins. Hvernig hægt væri með innvæðingu barnvæns bæjarskipulags að útbúa almenningssvæði í Öldunni sem nýtist allan ársins hring. Á Hvolsvelli má finna ágætis stígakerfi um bæinn og tveir stígar liggja yfir Ölduna og sá þriðji í gegnum hana endilanga. Innviðir bæjarins eru þokkalegir en möguleikar til endurbóta eru þónokkrir. Almennt er nokkuð hlýtt og skjólríkt á svæðinu miðað við önnur svæði í kring. Í þessu verkefni verður einnig stiklað á stóru um sögu Hvolsvallar, hugtök sem tengjast hönnunartillögunni verða kynnt um leið og fjallað verður um núverandi aðstæður svæðisins sem og hvernig hægt er að endurheimta þetta svæði sem er núna lítið nýtt. 2023-06-07T14:18:27Z 2023-06-07T14:18:27Z 2023-06-07T14:18:27Z 2023-06-07T14:18:25Z 2023-05 http://hdl.handle.net/1946/44792 is Landslagsarkitektúr Hvolsvöllur Opin svæði Staðarandi Menningarminjar Þéttbýli Barnvænt bæjjarskipulag Hönnunartillaga Skrúðgarðar Erfðir staðir Aldan. Endurheimt almannarýmis Thesis Bachelor's