2026-09-26T12:50:47Zhttps://skemman.is/oai/request

oai:skemman.is:1946/448102025-10-23T14:38:52Zcom_1946_35059com_1946_3515col_1946_35060

Landbúnaðarháskóli Íslands Anna Berta Heimisdóttir 2000- Halla Marta Árnadóttir 1994- Helena Guttormsdóttir 1963- Jón Arnar Sverrisson 1964- Loftslagsbreytingar og minni líffræðilegur fjölbreytileiki er vandi sem allur heimurinn stendur frammi fyrir. Hlýnun jarðar, náttúruhamfarir og flóð innan þéttbýlis eru dæmi um áskoranir sem aukist hafa verulega á undanförnum árum. Náttúrumiðaðar lausnir eru ein leið til að takast á við þessi vandamál. Þær eru aðgerðir sem vernda, stjórna og endurheimta náttúruleg og breytt vistkerfi á sjálfbæran hátt. Ávinningurinn er margvíslegur og á ekki aðeins við um líffræðilegan fjölbreytileika og loftslagsmál, heldur styrkja náttúrumiðaðar lausnir efnahags- og heilbrigðismál og stuðla að velferð manna. Ein gerð af náttúrumiðuðum lausnum eru blágrænar ofanvatnslausnir. Þær takast á við áskoranir sem snúa að ofanvatni (regnvatni) innan þéttbýlis. Þétting byggðar hefur leitt til þess að meira er um ógegndræp yfirborð sem geta valdið ofanflóðum og ofsaálagi á fráveitukerfi. Blágrænar ofanvatnslausnir meðhöndla ofanvatn á náttúrulegan hátt og geta dregið úr álagi á fráveitukerfum, stuðlað að lýðheilsu íbúa og aukið líffræðilegan fjölbreytileika. Um allan heim hefur innleiðing blágrænna ofanvatnslausna farið vaxandi og árangurinn verið góður. Þær hafa verið innleiddar í örfáum bæjum á Íslandi en aukning á þeim er nauðsynleg þar sem stefna um að þétta byggð er allsráðandi. Í þessu verkefni er fjallað um náttúrumiðaðar- og blágrænar lausnir, skoðuð eru erlend fordæmi og hvernig best er að innleiða blágrænar ofanvatnslausnir í nýrri íbúðabyggð. Gerð er greining á Skógarhverfi á Akranesi, sem er athugunarsvæði þessa verkefnis, til að koma auga á sérkenni svæðisins og í kjölfarið eru hönnunarforsendur lagðar fram. Hönnunartillaga að innleiðingu blágrænna ofanvatnslausna í hverfinu er sett fram myndrænan hátt, með farsæla innleiðingu að markmiði. Niðurstöður verkefnisins sýna hvernig hægt er að innleiða blágrænar ofanvatnslausnir í Skógarhverfi og í leiðinni hvernig þær geta aukið gæði umhverfisins, aukið líffræðilegan fjölbreytileika, stuðlað að bættri lýðheilsu íbúa og dregið úr álagi á fráveitukerfi. 2023-06-07T16:03:58Z 2023-06-07T16:03:58Z 2023-06-07T16:03:59Z 2023-06-07T16:03:57Z 2023-05 http://hdl.handle.net/1946/44810 is Landslagsarkitektúr Náttúrumiðaðar lausnir Blágrænar ofanvatnslausnir Íbúðahverfi Líffræðileg fjölbreytni Skógarhverfi Mengun Þétting byggðar Innleiðing blágrænna ofanvatnslausna í nýrri íbúðabyggð Thesis Bachelor's