2026-09-30T13:08:05Zhttps://skemman.is/oai/request

oai:skemman.is:1946/45422018-10-12T10:33:34Zcom_1946_4482com_1946_3515col_1946_4484

Landbúnaðarháskóli Íslands Guðrún Lilja Jónsdóttir 1983- Samson Bjarnar Harðarson 1965- Þétting byggðar í miðbæ Reykjavíkur og fyrirhuguð byggð í Vatnsmýrinni mun leiða til aukins fólksfjölda. Stækkun og sameining útivistasvæðanna Hljómskálagarðs og friðlandsins í Vatnsmýrinni er svar við þeirri fjölgun og mun gefa almenningi færi á að komast úr borgarumhverfinu í náttúrlegt og fjölbreytt útivistasvæði með margskonar afþreyingu. Ritgerð þessi er b.s. lokaverkefni í umhverfisskipulagi við umhverfisdeild Landbúnaðarháskóla Íslands. Ritgerðin fjallar um hönnunarverkefni sem hefur það markmið að skipuleggja fjölbreytt og aðgengilegt útivistasvæði þar sem spilast saman saga, menning og sérstæð náttúra í hönnun svæðisins. Til þess voru gerðar greiningar á hönnunarsvæðinu og niðurstöður þeirra notaðar sem forsendur við hönnun útivistasvæðisins. Niðurstaðan er hönnunarteikning af útivistasvæði með áherslu á sögulega og náttúrufarslega tengingu. Hljómskálagarðurinn er endurreistur frá fyrra horfi í nýklassískum stíl og friðlandið í Vatnsmýrinni varðveitt, endurheimt að hluta og það skipulagt með friðun fugla að leiðarljósi. Kennileitum er gert hátt undir höfði og með sjónlínuásum er tryggt að þau fái notið síns innan garðsins. Hljómskálagarðurinn er tengdur við útivistasvæðið með göngustígum og vatnrásum sem miða að því að halda sjónlínum opnum, tengja svæðin saman og eru jafnt fram vísanir í tjarnir, síki og votlendi sem eru einkennandi fyrir svæðið. Útivistasvæðið skiptist gróflega í þrjú svæði sem öll hafa ólíkt yfirbragð og notkun. Yfir Hljómskálagarði ríkir skrúðgarðayfirbragð og þar er menning og saga við lýði. Friðlandið í Vatnsmýrinni er náttúrulegt friðland fugla og umhverfis friðlandið eru fræðslustígar sem tengjast Nýja-Hljómskálagarði sem er þriðja svæðið. Þar er skjólsælt og gróskumikið og þar mun öll fjölskyldan finna eitthvað fyrir sig á leiksvæðum, boltavöllum, veitingasvæðum, púttvelli, æfingasvæði, þemagörðum og öðru skemmtilegu. Semsagt fjölbreytt útivistasvæði sem samþættir náttúrulegt friðlandið inní hið líflega og gróðursæla útivistasvæði. 2010-03-16T11:52:57Z 2010-03-16T11:52:57Z 2010-03-16T11:52:57Z 2009 http://hdl.handle.net/1946/4542 is Umhverfisskipulag Saga Fólkvangar Hljómskálagarður Friðlönd Útivistasvæði í hjarta miðborgar: Hljómskálagarðurinn og friðlandið í Vatnsmýrinni Thesis Bachelor's