2026-09-27T15:26:38Zhttps://skemman.is/oai/request

oai:skemman.is:1946/469352024-05-10T09:34:48Zcom_1946_2059com_1946_2057col_1946_2065

Háskóli Íslands Birgitta Rós Skarphéðinsdóttir 1997- Auður A. Arnardóttir 1970- Markmið rannsóknarinnar var að kanna reynslu og sjónarmið ráðningaraðila á Íslandi á notkun gervigreindar í ráðningarferli, með það að leiðarljósi að fá betri innsýn í núverandi notkun gervigreindar í ferlinu. Sérstök áhersla var lögð á að greina tækifæri og áskoranir sem taldar eru fylgja gervigreind, að mati ráðningaraðila. Sjónum var einnig beint að hugsanlegri hlutdrægni sem tæknin getur haft í för með sér. Notast var við eigindlega rannsóknaraðferð þar sem hálfopin viðtöl voru tekin við tíu ráðningaraðila fyrirtækja hérlendis. Niðurstöður rannsóknarinnar bentu til þess að notkun gervigreindar á fullri sjálfvirkni í ráðningarferli er fátíð. Hins vegar studdust flestir ráðningaraðilar við gervigreindartól við ýmis verkefni í ráðningarferlinu. Ráðningaraðilar viðurkenndu tækifæri sem og áskoranir sem taldar eru fylgja notkun gervigreindar. Viðhorf þeirra til notkun gervigreindar í ráðningarferli var einnig breytilegt eftir því hvaða stig í ráðningarferlinu um var að ræða. Eftirfarandi rannsókn veitir innsýn í lítið rannsakað viðfangsefni hér á landi og stuðlar þannig að aukinni þekkingu á notkun gervigreindar í ráðningarferli fyrirtækja á Íslandi. Að auki veitir eftirfarandi rannsókn ráðningaraðilum tækifæri til að auka við skilning og þekkingu þeirra á gervigreind og notkun hennar í ráðningarferli. 2024-05-10T09:34:47Z 2024-05-10T09:34:47Z 2024-05-10T09:34:48Z 2024-05-09T20:39:33Z 2024-05 http://hdl.handle.net/1946/46935 is Viðskiptafræði Mannauðsstjórnun Framtíð ráðningarferlisins. Notkun gervigreindar í ráðningarferli fyrirtækja á Íslandi og viðhorf ráðningaraðila til tækifæra og takmarkana gervigreindar Thesis Master's