2026-10-05T12:44:34Zhttps://skemman.is/oai/request

oai:skemman.is:1946/475162025-10-23T14:00:49Zcom_1946_35053com_1946_3515col_1946_35054

Landbúnaðarháskóli Íslands Björk Sigurjónsdóttir 1994- Guðrún Óskarsdóttir 1989- Breiðamerkurjökull hóf að hopa við lok litlu-ísaldar um 1890 en á síðustu áratugum hefur hraði hopunar hans aukist hratt. Eftir því sem jökullinn hopar stækkar Breiðamerkursandur og á því landi sem kemur undan jökli fer í gang frumframvinda gróðurs. Auk Breiðamerkursands kom eyja undan jöklinum í vestanverðu Jökulsárlóni rétt fyrir aldamótin 2000 sem fékk nafnið Skúmey, staðsett aðeins um 200 m frá fastalandi. Þrátt fyrir nálægðina eru umhverfisaðstæður um margt ólíkar milli sandsins og eyjunnar. Í þessari rannsókn var gróðurfar á Breiðamerkursandi rannsakað, þ.e. þekja æðplantna auk mosa, flétta og lífrænnar jarðvegsskánar ásamt því að allar æðplöntutegundir voru greindar. Þær niðurstöður voru síðan bornar saman við gróðurmælingar sem gerðar voru í Skúmey árið 2017. Rannsóknarreitirnir voru fjórir á hvoru svæði og voru staðsettir á mismunandi aldursbeltum frá árunum 1970–1998. Heildargróðurþekja á Breiðamerkursandi var talsvert meiri en í Skúmey og átti þekja mosa mestan þátt í þeim mismun á milli svæðanna. Það má ef til vill rekja til þess að mosar þrífast gjarnan betur þar sem gott aðgengi er að raka en jarðvegurinn í rannsóknarreitunum á Breiðamerkursandi virtist vera rakameiri en í Skúmey. Einnig er mikið og misþétt helsingjavarp í eynni og því talsvert beitarálag. Úrvinnsla gagna leiddi þó í fáum tilvikum af sér marktækan mun milli svæðanna, sem gæti stafað af litlum fjölda rannsóknarreita. Þessi rannsókn gefur þó innsýn inn í þann mun sem virðist vera á gróðurframvindu þessara svæða og hve mikil áhrif beit helsingja getur haft á gróðurfar. 2024-06-04T13:58:08Z 2024-06-04T13:58:08Z 2024-06-04T13:58:09Z 2024-05-21T16:41:28Z 2024-05 http://hdl.handle.net/1946/47516 is Náttúru- og umhverfisfræði Gróðurframvinda Breiðamerkursandur Skúmey Gróðurfar Helsingi Samanburður á gróðurfari í Skúmey og á landi vestan við Jökulsárlón Vegetation comparison between Skúmey island and the mainland area west of Jökulsárlón glacial lagoon Thesis Bachelor's