2026-09-28T17:26:58Zhttps://skemman.is/oai/request

oai:skemman.is:1946/475872024-06-10T13:10:36Zcom_1946_6867com_1946_6001col_1946_34317

Háskólinn í Reykjavík Guðlaug Erla Hlynsdóttir 2001- Margrét Lovísa Jónasdóttir 2002- Heiðrún Ingrid Hlíðberg 1991- Markmið þessarar rannsóknar er að rýna í skilvirkni íslenska hlutabréfamarkaðarins og rannsaka hvort tilkoma frítekjumarks fjármagnstekna af söluhagnaði hlutabréfa og arðs, sem tók gildi 1. janúar 2021, hafi haft marktæk áhrif á hlutabréfaverð skráðra félaga. Breytingar voru gerðar á lögum nr. 90/2003 um tekjuskatt sem fólu í sér að frítekjumark fjármagnstekna yrði tvöfaldað, eða hækkað úr 150.000 krónum í 300.000 krónur. Jafnframt að það yrði útvíkkað og næði þannig til söluhagnaðar hlutabréfa og arðs. Tilkoma þessarar skattaívilnunar var til hvatningar aukinnar þátttöku almennra fjárfesta á íslenska hlutabréfamarkaðinum. Framkvæmd var atburðarrannsókn á tímabilinu 2016 til 2023 til athugunar á áhrifum tilkomu frítekjumarks fjármagnstekna af söluhagnaði hlutabréfa og arðstekna á markaðsvirði hlutabréfa og viðskipti með þau á markaðinum. Einnig var leitast við að varpa ljósi á það hvort kenningin um skilvirkni markaða standist á hlutabréfamarkaðinum hér á landi. Niðurstöður rannsóknarinnar benda til þess að íslenski hlutabréfamarkaðurinn sé óskilvirkur með hlutabréfaviðskipti skráðra félaga með tilliti til rannsóknaratburðarins. Ásamt því fengust ekki marktæk áhrif af tilkomu frítekjumarksins hjá meirihluta félaga í rannsókninni. 2024-06-10T13:10:36Z 2024-06-10T13:10:36Z 2024-06-10T13:10:36Z 2024-05-14T23:13:43Z 2024-05 http://hdl.handle.net/1946/47587 is Hagfræði og fjármál Hlutabréfamarkaðir Fjármagnstekjur Hagnaður Skattabreytingar Skilvirkni íslenska hlutabréfamarkaðarins : atburðarrannsókn á skilvirkni íslenska hlutabréfamarkaðarins árin 2021-2023 með tilkomu frítekjumarks fjármagnstekna af söluhagnaði hlutabréfa og arðs Thesis Bachelor's