2026-09-29T00:45:06Zhttps://skemman.is/oai/request

oai:skemman.is:1946/476602024-06-12T09:45:25Zcom_1946_6867com_1946_6001col_1946_34317

Háskólinn í Reykjavík Lárus Fannar Rafnsson 2002- Margrét Fríða Ólafsdóttir 2002- Róbert Ragnar Grönqvist 1979- Ritgerð þessi leitast við að svara rannsóknarspurningunni: „Sjá starfsfólk Icelandair og starfsfólk hlutabréfamarkaðarins stöðu félagsins sömu augum út frá stefnumiðaðri greiningu?“ Markmið rannsóknarinnar er að leggja mat á hversu vel Icelandair upplýsir hagsmunaaðila, svo sem fjárfesta, markaðsaðila og aðra aðila á hlutabréfamarkaði. Það er mikilvægt fyrir félag eins og Icelandair að upplýsingagjöf á markaðinn sé með sem bestum hætti og þar með trúverðug. Óljósar eða ófullnægjandi upplýsingar hafa neikvæð áhrif á hlutabréfaverð og aðgengi að fjármagni í formi hlutafjár. Icelandair er eitt stærsta og þekktasta vörumerki á Íslandi og er ekki aðeins leiðandi flugfélag á Keflavíkurflugvelli, heldur hefur það einnig mikil áhrif á íslenskt efnahagslíf og samfélagið í heild. Því verður einnig greint og farið yfir þau áhrif sem fyrirtækið hefur út frá hagfræðilegu sjónarhorni. Rannsakendur gerðu eigindlega rannsókn með fjórum viðmælendum, tvo starfsmenn Icelandair og tvo aðila á fjármálamarkaði. Lagður var spurningalisti fyrir viðmælendur sem byggði á eftirfarandi tólum stefnumiðaðrar greiningar: PESTEL greining, fimm krafta líkan Porters, VRÍÓ auðlindalíkan og SVÓT greining. Með þessum hætti var hægt að fanga upplifun viðmælenda af félaginu ásamt því að fá sýn á innra og ytra umhverfi Icelandair, samkeppni, áhrifaþætti á arðsemi og eiginleika. Niðurstöðurnar leiddu í ljós ýmiss konar misræmi sem gefur vísbendingar um ófullnægjandi eða misvísandi upplýsingar á vissum sviðum. Út frá stefnumiðaðri stjórnun má því leiða að líkum að upplýsingagjöf Icelandair sé ekki háttað svo að starfsfólk og markaðsaðilar sjái félagið sömu augum. 2024-06-12T09:45:24Z 2024-06-12T09:45:24Z 2024-06-12T09:45:25Z 2024-05-16T00:04:56Z 2024-05 http://hdl.handle.net/1946/47660 is Viðskiptafræði Lögfræði Hagfræði og stjórnun Hlutabréfamarkaðir Hluthafar Upplýsingamiðlun Upplýsingagjöf Icelandair og efnahagsleg áhrif : sjá starfsfólk Icelandair og starfsfólk hlutabréfamarkaðarins stöðu félagsins sömu augum út frá stefnumiðaðri greiningu? Thesis Undergraduate diploma